Page 3 - MIN ARENDS

Diez partido politico a confirma pa

debate politico di millennials

Posted on 06/21/2017 12:06 pm AST | Updated on 06/21/2017 12:08 pm AST

ORANJESTAD - E proximo debate politico titula Debate Politico Constructivo
Millennial Edition", presenta e biaha aki pa un grupo di 'millenials' ta conta cu
participacion confirma di tur 10 lider politico. Asina Queeny Bergen di e grupo
Millennials a sigura prensa diaranson mainta. Tin un focus grupo di 20 hoben
(18-35 aña). E debate ta poni pa tuma lugar dia 13 di july anochi entre 7-11pm
den Cas di Cultura.

DETAYES

Segun e organisadornan, esaki lo ta un anochi organisa door di 'Millennials pa
Millennials. E ta un anochi unda cu lo tin preguntanan basa riba diferente topico cu ta
di sumo importancia pa millennials cu lo wordo contesta pa lidernan di e respectivo
partidonan. Partidonan cu a confirma cu nan lider ta ABO, AVP, CURPA,MAS,
MEP, POR, PPA, RED, UPP y Partido Raiz cu anuncia nan lider pronto. Tickets ta
obtenibel na Colab Workspace (Anasastraat #4) for di 10am pa 4pm di Dialuna pa
Diabierna.

FORMATO

A opta pa tin dos session, unda cu e prome parti lo tin tur e 10 lidernan politico hunto
contestando e mesun preguntanan. A sigura cu e preguntanan lo ta al caso, cortico y
cu e lidernan lo tin mas tempo pa contesta e preguntanan aki. E di dos parti lo ta
candidatonan dos dos riba e tarima, contestando preguntanan. E otronan lo ta patras
(backstage) pero tambe por contesta pregunta, pero mester scohe entre un di e
posibilidadnan durante e varios sessionan di dos politico. Publico no por participa y ta
prohibi publico pa bin cu tshirt of otro material di propaganda politico.