Page 12 - Awemainta
P. 12
12 AWEMainta Diaranson, 27 Januari 2016
Minister Paul Croes:
Mary Joan Foundation tin
subsidio di 30 mil florin
den Presupuesto 2016
MANERA a keda anuncia dor di Minister Paul Croes algun dia atras, un total di 30 fun-
dacion na Aruba ta inclui den su presupuesto pa 2016. Esaki ta recursonan cu ta destina
pa subsidio di e operacion di fundacionnan y Mary Joan Foundation ta un di nan.
Di e manera aki, Minister di Asuntonan Social ta cumpli cu e compromiso cu el a haci
cu e fundacion en cuestion na luna di juli ultimo.
Mary Joan Foundation ta dedica na informacion pa prevencion di cancer di pecho,
pero tambe nan sosten y guia di pashentnan afecta pa e malesa aki.
Pa Minister Paul Croes no tin duda cu e fundacion ta haciendo un trabou importante y
necesario den nos comunidad. Como tal, e mandatario a percura pa nan por conta
cu e fondonan necesario pa continua cu nan obra.
Den presupuesto di Asuntonan Social ta apunta un suma di 30 mil florin
na nomber di Mary Joan Foundation pa loke ta trata aña fiscal 2016.
Adicional na e subsidio di Gobierno, Minister Paul Croes ta traha di
cerca cu e directiva di e fundacion p’asina yuda nan, te unda cu por,
na yega na donacionnan for di sector priva. Di e manera aki ta sigura
e existencia di e fundacion y e beneficio pa tur e clientenan.
“Mary Joan Foundation ta brinda un grupo den nos comunidad e
ayudo practico y sosten emocional cu ta esencial pa nan por afronta
e circumstancia dificil cu ta cancer di pecho,” asina Minister Croes
a indica. “Nos ta convenci cu nan merece e apoyo di Gobierno
di Aruba y p’esey mi a sigura cu nan ta bay haya esaki tambe.”
Curpa ta drief den laman
WILLEMSTAD - Dialuna 25 di janüari ultimo alrededor di
13.36’or a drenta notificacion na Central di Polis cu tin un curpa
ta drief den laman den área di Koral Tabak.
Mesora a dirigí un patruya policial y a pone Guardacosta y CITRO
na altura. Na nan yegada nan a nota e curpa cu tabata drief den
un laman basta bruto.
Despues di basta trabou a logra saca e curpa sin bida di e hòmber
Signal Martis naci na Còrsou dia 10 di sèptèmber 1994, (21 aña)
for di laman. Ta trata aki di un di e hòmbernan cu diasabra último
a bay snòrkel n’e bahia di St. Joris y no a regresá mas. Ainda falta
e otro compañero
