Page 20 - flip min.on

departamento di enseñanza di Gabinete di Aruba.

http://masnoticia.com/studiantenan-na-amsterdam-bon-informa-encuanto-seguro/

Hooyboer: Ta rechasa aumento di 250 di schoolgeld di
SKOA

Posted on 03/9/2015 10:45 am AST | Updated on 03/9/2015 5:15 pm AST

ORANJESTAD – E decision di Stichting Katholiek Onderwijs Aruba (SKOA) pa dal bay cu e cobransa di
250 florin pa schoolgeld pa e aña escolar nobo, no ta conta cu aprobacion di minister di enseñansa Michelle
Hooyboer. NoticiaCla.com tin confirmacion cu un carta a bay di ministerio di minister diabierna, informando
SKOA di su pensamento. Den e carta aki e mandatario ta indica na SKOA cu calculacion di gobierno ta
mustra cu cobrando 250 florin pa alumno, ta genera mucho mas placa cu nan mester pa cubri e deficit
menciona. Y ademas, ningun di e motibonan duna pa SKOA no por wordo motiva, pasobra ainda e fundacion
no a entrega nan relato annual di 2011 pa 2014. Y na final, e mandatario a exigi pa SKOA entrega e
relatonan menciona, dentro di un siman. Kico lo pasa si SKOA no haci esey, no ta conoci.
CARTA DI AUMENTO
Manera ta conoci, dia 2 di maart ultimo SKOA a manda un carta pa mayornan, indicando cu e fundacion lo sigui cu
e cobransa di e suma di 250 florin (parti den dos biaha 125), no obstante cu a bisa e mandatario cu nan lo wanta e
cobransa te ora cu un otro solucion ta posibel. Pero esey awor a resulta di no ta asina. E siman cu a pasa, SKOA a
manda un carta pa e minister, como contesta riba esun cu e la manda pa nan. Den e carta cu minister a manda pa
SKOA, tabatin e splicacion di e acionan di conseho di minister riba e asunto, incluyendo pagonan atrasa na SKOA
etc.
AUMENTO TA SIGUI
Den e carta cu SKOA a contesta minister, nan ta confirma cu nan a ricibi e suma di 500.000, = florin (un
verrekening di 2014), y e decision pa aumenta e subsidio di gobierno pa por cubri e gastonan di tur werkster.