Page 7 - IVA FLIP 3 AUG 2017

Muchanan Y Mayor A Gosa Di Un Hospi Bondi Camp

Excelente

 Local
- 02/08/2017

E camp famoso di Hospi Bondi a termina y lider di Hospi Bondi, sra. Noralfa Eckmeyer
ta contento di mira bek riba 2 siman largo di Camp exitoso.Durante e 2 siman di e camp a
haci diferente actividad cu e muchanan, e. o. bay Cinema, Philip Animal Garden,
Bowling, a traha Arts & Craft, tabatin sportdag y bishita di Cruz Cora cu splicacion di
EHBO. Loke tambe a bin acerca e aña aki ta Pico Bello y Bright Bakery unda tanto e
muchanan como lidernan di grupo 4-6 aña a haya un rondleiding educativo. E muchanan
a disfruta asina hopi di e 2 siman di Hospi Bondi Camp, unda cu nan no tabata kier p’e
tremendo tempo cu nan ta pasando stop.Pa celebra 25 aña di existencia e biaha aki a logra
bay De Palm Island tambe. Un total di 280 participante a bay De Palm Island, di cual 194
tabata muchanan di Hospi Bondi Camp y hunto cu nan tabatin e lider, miembro di
comision y algun di e mayornan cu por a disfruta di un dia dushi di hunga, come y pasa
pret.E muchanan tabata entusiasma desde oranan trempan pa bay disfruta e dia hunto cu
nan amigonan y e lidernan di Hospi Bondi Camp. Hopi ambiente tabatin na De Palm
Island cu e muchanan, unda cu nan por a participa den diferente actividad. Muchanan a
hunga den e pool y algun no tabata kier a sali, mientras cu tabatin esnan cu a bay disfruta
di e zipline y hunga volleyball cu e lidernan.Riba diabierna 28 di juli Hospi Bondi Camp
a clausura cu e ultimo evento tradicional despues di dos siman fabuloso. E muchanan a
prepara y presenta un bunita show di canto y baile.Entre e mayornan presente pa wak e
show tabata sra. Francisca Bernabela-Tromp.E ta contento cu tin e Hospi Bondi Camp cu
a cuminsa 25 aña pasa, unda cu su yiunan a participa y awendia a toca turno di e nieto.
Mayor y welonan tabata sumamente contento cu muchanan a disfruta di e
camp.Empleado di Hospital Patrick Dwarkasing ta contento di mira cu pa prome biaha su
yiu a participa den e camp y cu e mucha a disfruta masha hopi mes. Sr. Elvis Tromp su
yiu tambe a participa den e camp. E yiu no tabata sa kico pa spera durante e camp y tur
atardi e mucha no kier a bay cas bek. Hospi Bondi Camp ta existi pa 25 aña y e camp ta
pa yiunan di empleadonan di Hospital.E lidernan cu ta compaña e muchanan durante e 2
siman di camp ta inclui tienernan cu tambe tabata participante di Hospi Bondi Camp
antes.Pa nan por a bira lider, nan mester a pasa den e fase di trainee prome, despues e
siguiente aña di camp por bira assistent di un lider p’asina despues nan tambe por bira
lider.Den e comision di Hospi Bondi tin miembronan cu a yega di participa den e Hospi
Bondi Camp y awendia nan kier pa muchanan pasa un momento dushi den e camp
manera nan mes tambe a pasa.Anualmente por mira con tremendo e muchanan ta pasa
nan vakantie y cu Hospi Bondi Camp a bira algo esencial pa e trahadornan di nos
Hospital y ta spera cu por sigui cu e tremendo Camp aki pa hopi aña mas.