Page 3 - AM230707

Diabierna, 7 Juli 2023 AWEMainta LOCAL 3

Corsou cu tradicion di sirbi

comunidad cu fruta y berdura barata

habri frontera cu Venezuela caminda tonelada di fruta
A y berdura ya a wordo importa for di e pais bisiña, cu lo
mester ta na un prijs mas barata.

Compara cu Corsou, prijs di fruta y berdura en berdad a
conoce un reduccion leve pero pa gran parti di prijsnan no a
cambia compara cu loke fruta y berdura tabata wordo bendi.
Un ayudo grandi pa pueblo por a haya un prijs mas barata,

ta eliminacion di e diferente ‘schakel’ cu e consumido aki
na Aruba t wordo confronta cu’ne y dentro di algun siman
ora cu gobierno cuminsa cobra 7% di BBO na entrada, e
reduccion logra cu habrimento di frontera cu Venezuela, lo

disparce atrobe for di cartera di pueblo.

E situacion na Corsou ta diferente ya cu barconan di fruta a
drenta St Annabaai y bay mara na

Waf di Punda caminda te cu 2018, e barconan mes tabata
bende nan producto cu pueblo di e isla pero esaki a disparce
ora cu gobierno a introduci cambionan.

Awendia tin loke ta wordo yama e mercado di fruta y berdura
na Punda caminda tanto local- como bishitantenan ta pasa
dilanti cahanan di fruta y berdura pa cumpra loke nan tin
mester y e prijs aki ta mas barata cu loke ta ser bendi den

supermercadonan.

Antes tabatin un mercado similar na loke tabata ser yama
‘waf chikito’ caminda diferente di e hokinan cu tin na e sitio

aki, tabata pa bende fruta y berdura pero awendia e kiosco
nan aki ta ser uza pa bende souvenir, sandalia of loke tabata
conoci como pargati.
Na e kiosconan aki pueblo por a cumpra su fruta y berdura

na un prijs hopi reduci mirando cu por papia cu e tempo ey
doñonan di e kiosconan ta esunnan cu ta cumpra eynan mes
for di e barconan cu ta yega for di Venezuela.

Awendia e barconan aki ta yega na waf grandi di Barcadera,
caminda un te cu tres importador ta tuma esakinan over y
despues ta pasa nan pa un rebendedo cu e ora na su turno
ta bende esaki cu negoshinan manera supermercadonan.

Pues aki ta papia di tres pa cuater schakel caminda tur ora
tin cu cobra BBO mientras cu si a laga e frutanan aki baha
pa kiosconan y laga pueblo cumpra loke nan mester na E kiosconan aki ainda t’ey, cu otro funcion pero e posibilidad

waf mes, sin duda esaki lo haci un diferencia den e prijs pa ta keda pa bay na nan uzo original cual na su turno tambe ta
comunidad. bira un atraccion turistico pa e isla.