Page 40 - MIN ECEM_Neat

AWEMainta Dialuna, 7 Augustus 2017 25

Partido AVP cu sosten masal ORA un partido politico ta goberna pa pueb-

lo y cu pueblo, e confiansa di pueblo semper lo
a bay entrega otro lista existi y esaki a keda demostra diabierna tardi
ora cu partido AVP a bay entrega su lista di
ganador na oficina di Censo candidatonan pa proximo eleccion.
For di oranan di mainta un grupo grandi di
sostenedornan tabata preparando pa compaña
candidatonan di AVP y su lider Mike Eman,
pa acudi na oficina di Censo den centro di
Oranjestad, pa haci entrega di su lista oficial
di candidatonan p’e proceso electoral di dia
22 di september proximo.

Un sosten impresionante, caminda candida-
tonan riba e lista a sali for di diferente bario
rond di e isla, p’asina duna muestra di e
confiansa grandi cu pueblo tin den e maneho
hiba pa partido AVP, pa desaroyo y progreso
di tur hende.

Un sosten cu ta sigui confirma cu pueblo
tin pleno confiansa den politiconan di AVP
cu durante e ultimo 8 aña, a percura pa un
desaroyo impresionante na interes general di
Aruba.
Bou ritmo di musica cayente, colma di alegria
y admiracion mutuo, sostenedornan a cana
hunto cu lider di partido AVP rumbo centro
di Oranjestad, pa haci entrega di e lista gana-
dor, cual lo bay marca historia politico den
Reino Hulandes.
E muestra di confiansa cu a wordo demostra
diabierna merdia y atardi, ta otro señal di
aprobacion di e maneho cu Gabinete Mike
Eman I y II a bin ta hibando na interes di
henter pueblo, percurando pa un desaroyo
nunca antes bisto den politica di e pais.
Un multitud impresionante a cana hunto
cu candidatonan di AVP for di Vondellaan,
drenta Wilhelminastraat rumbo pa oficina
di Censo, cu hopi apoyo di siguidornan di e
partido para na banda ta mira e marcha rumbo
pa victoria otro luna.

Den un forma ordena y masha respetuoso
tur cos a cana trankil manera semper, con-
firmando e sosten masal cu pueblo ta brinda
partido AVP un biaha mas.
Partido AVP, na nomber di su lider Mike
Eman y di tur candidatonan riba e lista pa
proximo eleccion, ta gradici pueblo den su
totalidad p’e sosten grandi aki, sigur tur cu
a bin participa den e marcha y tur cu a para
canto di caminda pa brinda nan sosten cu
grito y aplauso.
AVP lo sigui bishita pueblo den e proximo
simannan, hibando e mensahe di progreso
y desaroyo den tur cas, cerca tur famia, ya
cu AVP lo sigui cu su vision di transforma
tur bario den un mihor lugar di bida pa nos
pueblo y crea alivio y progreso pa tur hende.