Page 5 - AHATA
P. 5
12 INTERNACIONAL AWEMainta Diamars, 9 April 2024
Sospechoso di terorismo aresta na
Italia despues di vuelo for di Eindhoven
AUTORIDADNAN Italiano a aresta un
sospechoso di terorismo dialuna, cu a bula for di
Eindhoven pa Roma. Segun polis, e sospechoso
ta un homber di Tajikistan contra kende a emiti
un orden internacional di detencion.
E medionan Italiano ta describi e homber como
un miembro activo di e organisacion terorista
Estado Islamico (IS). No ta sigur ainda na cual
pais e persona aki ta wordo busca. Autoridadnan
no a revela esey. Tampoco nan no a referi n’e
atake terorista di luna pasa na Moscow.
Mas cu 140 persona a muri den e atake riba un
sala di concierto. E masacre a ser reivindica pa
ISIS. Desde e momento ey, autoridadnan Ruso a
aresta varios sospechoso di Tajikistan.
E inicialnan di e sospechoso ta I. S., e homber
tin nacionalidad di Tajikistan y ta ser bisa cu e
tin varios identidad falso. Ta alega cu e lo a haci
comosifuera e ta un residente di Uzbekistan,
Kirgistan y Ukrania, entre otro. Segun un comu-
nicado, e sospechoso a nace na 1992. Na 2014,
e ta bisa cu el a uni cu ISIS como combatiente
stranhero na Siria.
