Page 56 - ARUBA BANK

Premier Wever-Croes a elabora riba e tema di Presupuesto 2018 y situacion cu
Venezuela.

E dignatario a cuminza pa splica cu e siman aki pa gobierno ta uno crucial, pasobra ta

bay cuminza trata e presupuesto pa aña 2018, esun prome di su gabinete.

Prome Minister a reitera cu ora su gabinete a drenta den gobernacion e presupuesto aki
mester a wordo entrega caba riba dia 1 di September, manera ley ta stipula.

E mandatario a señala cu e presupuesto no a keda entrega pero si gobierno anterior a
laga un draft atras, prepara a base di compromisonan haci door di e gobierno anterior,
cu ta mara nos gobierno y cu a laga un deficit di 276 miyon florin.

Gobierno nobo mesora mester a lora manga cuminza traha pasobra cu un deficit di tal
magnitud no por a entrega e presupuesto na Parlamento.

A bay mira unda por baha gasto na un lapso cortico y a bay wak kico por haci, y asina a
presenta nan plan financiero cu e ahustenan, e crisis heffing, e compensacionnan pa
nos pensionadonan y esnan cu ta gana menos di 2.500 florin pa luna, cu ta e aumento
di reparatie toeslag.

E mandatario a duna di conoce cu door di e ehercicionan aki a logra di baha e deficit di
276 miyon florin na 191 miyon florin. Sinembargo, el a sigui e conseho di CAFT cu a
bisa cu esaki ta berdad, hopi bon, y cu e ta un prome paso significativo y un

presupuesto realistico, pero no suficiente y a pidi pa bay na un suma di deficit mas
abao cu esun di aña pasa.

Na e momento ey gobierno a traha riba un nota di cambio cu ta laga nan yega na un

deficit di 149 miyon florin. Haciendo e pasonan aki e ta refleha cu gobierno a logra haya
127 miyon florin for di otro caminda.

Cu esey e deficit presupuestario a keda abao di esun di aña pasa y gobierno ta den

cumplimento cu e reglanan di CAFT.

E mandatario a agrega cu e motibo pakico e presupuesto aki ta asina dificil y un desafio
grandi pa trata cune, ta cu e pagonan di PPP cu gobierno tin cu bay haci ta yega su