Page 48 - MIN JUS

Alexander van Dam ta procurador general di ministerio publico y e tambe ta comenta riba

apertura di e edificio nobo. El a splica tambe cu nan lo bay funda un plataforma di

siguridad, caminda cu partnernan di e comunidad Arubano ta bin hunto pa asina papia

riba varios caso. Esey ta nifica concretamente cu no solamente ta bay wak riba algo fout

cu un hende a comete, pero tambe pa dun’e cuido. Por percura pa e persona bay scol, pa e

bay haci su best pa evita cu e keda riba e caminda malo. Ta haci’e hunto cu e partnernan,

por ehempel Wit Gele Kruis, cu FMSA, cu a keda funda recientemente, tambe cu Bureau
Leerplicht, Sociale Zaken, Onderwijszaken. Tur ta partner cu ta enfoca pa duna e

hobennan perspectiva. KIA no ta perspectivo pa e hobennan. E perspectiva pa e

hobennan ta cu e partnernan aki ta pone un caminda positivo, unda cu nan ta bay scol,

unda cu nan lo siña haya e experiencia pa despues nan por haya un bon luga den e

comunidad Arubano.

Ki tempo esaki lo cuminsa

Segun van Dam, FDA a duna e sosten financiero. Nan ta wardando pa esaki wordo

finalisa. A cuminsa caba cu e prome casonan cu e partnernan di Reclassering, cu Polis, cu

OM, pa mira kico nan por haci. Nan lo bay cuminsa caba, pero na final mester warda toch

riba e maneranan financiero. Pasobra lo bay tuma hendenan, caminda cu lo bay cuminsa

cu programa y esey ta costa placa. No ta asina cu pa otro siman lo bay tin e prome

resultadonan. Pero e ambicionnan ta pa cuminsa mesora.

Experiencia

Tin tambe e casonan mas serio. Si ta trata di asesinonan, nan no lo bay wordo trata pa e

veiligheidshuis. Nan tin cu bay sinta den KIA. Tin tambe mercadeo di arma, e armanan