Page 58 - MIN JUS
P. 58
ubica e plataforma di siguridad, den e concepto Hulandes di veiligheidshuis, caminda cu
ta pone tur e gremionan traha hunto pa sigura un cuido optimal y prevencion di crimen y
tambe atende cu personanan cu ta causa hopi risico den comunidad.
Un di e gruponan cu a wordo trata caba den forma piloto den e plataforma di siguridad ta
e grupo di hobennan. Tin den un bon bista awor aki kende ta e hobennan cu ta causa
problema, pero tambe tin kende ta e hobennan cu tin cierto risico den comunidad y nan
por wordo treci den e plataforma. Den e plataforma tin tur e diferente organisacionnan di
husticia ta traha. Den e caso aki ta Reclassering, Ministerio Publico, Polis y voogdijraad
y tambe tin Sociale Zaken, Directie Onderwijs, Leerplicht, Fundacion Guiami, Wit Gele
Kruis. Tur e partnernan aki, na momento cunan señala un caso cu ta di risico halto, nan ta
trece den e plataforma di siguridad. Akinan por traha un plan pa atende cu e persona y e
sistema. Tin cu bisa cu e ta duna bon resultado te awor aki. Tambe tin facilidadnan
Orthopedagogisch Centrum di un dagbehandeling, un facilidad di biba bao di guia,
facilidad di interna hendenan cu ta forma riesgo pa comunidad. Ese ta haci cu por duna e
tratamento mas completo. Departamento forensico pa tratamento di muchanan cu
problema, muchanan cu ta criminal, tambe ta kedando cla. E ora por bisa cu a logra un
meta hopi grandi den pais Aruba, di uni e forsanan pa reduci risico y preveni crimen y
trata esnan cu ta causantenan potencial di crimen y cu ta core riesgo di bira victima di
crimen door di desroyo.
Di otro banda por puntra si un edificio nobo, cuanto mas personal. E intencion ta pa traha
cu e coleganan di volksgezondheid, Sociale Zaken y Onderwijs y tur ta pone hende
disponibel pa traha den e plataforma di siguridad. Nan ta hacie caba tambe. No ta asina
cu ta bin hopi personal extra. Tin solamente tres hende adicional, cu ta wordo agrega na e
plataforma, cu ta esnan cu tin cu coordina tur e trabaonan cu ta tuma luga den e
plataforma di siguridad.
