Page 12 - HOH
P. 12
ORANJESTAD(AAN): Diaranzon mainta a tuma lugar firmamento, pa un proyecto di
remodelacion den e edificio di Infrastructura, den cual DOW, Kadaster y DIP ta ubica.
Minister di Infrastructura a indica cu e acuerdo ta uno importante, relaciona cu he
hecho cu for di prome di October Ministerio di Desaroyo Teritorial, Infrastructura y
Medio Ambiente a cuminza un proceso caminda cu a bay completamente digital.
“Esaki ta nifica cu for di prome di October, tur documento interno entre tur e
departamentonan di e ministerio ta sosode na un manera digital”.
“Esaki ta nifica cu eficiencia y productividad den e ministerio a aumenta cu
minimalmente 70%”.
Segun Minister Otmar Oduber, kende a sigui bisa cu e cantidad di tempo durante cual
por ehempel un documento di peticion ta keda colga of cana den un departamento,
awor ta bay baha drasticamente.
Full e proceso unda cu un bode tin cu hiba documentonan entre e diferente
departamentonan ta keda full elimina.
“Si un proceso por ehempel tabata dura 1 aña antes, awor e ta bay ta 3 luna”.
