Page 19 - AM250123

Diahuebs, 23 Januari 2025 AWEMainta
Di Mercedes pa Maranello:
Hamilton ta realisa su soño di Ferrari
LEWIS Hamilton, e shete-biaha campeon mundial di
Formula Un, a marca un paso historico riba su prome dia
oficial como un piloto di Ferrari. E homber di 40 aña, cu a
shock e mundo di motorsport door di bandona Mercedes
despues di 12 aña exitoso, a cumpli un soño di bida largo di
core p’e iconico team Italiano.
Hamilton a pasa dialuna n’e sede di Ferrari na Maranello,
Italia, unda el a topa miembronan di e team, a pose pa
potretnan cu un super auto Ferrari F40 y a refleha riba e
significancia di e capitulo nobo aki. Bisti den un trahe preto
elegante, Hamilton a comparti su emocion riba Instagram,
describiendo e dia como uno cu e lo “recorda pa semper.”
“Tin algun dia cu bo sa cu bo lo recorda pa semper y awe,
mi prome como un piloto di Ferrari, ta un di e dianan ey,”
Hamilton a skirbi. “Un parti di mi semper a tene n’e soño ey
di core den cora. Mi no por ta mas contento di realisa e soño
ey awe.”
E mudamento di Hamilton pa Ferrari a bin despues di un
DEPORTE 19
carera estelar na Mercedes, unda el a gana seis di su shete
titulonan mundial y a cementa su legado hunto cu grand-
inan manera Michael Schumacher.
Papiando tocante su salida, Hamilton a expresa gratitud pa
su tempo na Mercedes, enfatisando e historia y amistadnan
forma durante su periodo.
Awo partner cu Charles Leclerc, e yegada di Hamilton ta
señala un era nobo pa Ferrari mientras nan ta boga pa sigura
nan prome campeonato di piloto desde 2007. Fanatico y
compañeronan di team por igual ta optimista tocante loke
e combinacion di e experticio di Hamilton y e recursonan
di Ferrari por logra. “Mi ta dedica na trece tur loke mi tin
pa entrega p’e team, e organisacion mas amplio y e fanati-
conan,” Hamilton a declara.
E temporada 2025 ta cuminsa cu e Grand Prix di Australia
dia 16 di maart, despues di e pruebanan di pre-temporada
na Bahrain di 26-28 di februari. Mientras cu Hamilton ta bisti
cora di Ferrari, e escenario ta cla pa un di e temporadanan
mas anticipa den historia reciente di Formula Uno.