Page 13 - FUNDASHON LOTTO PA DEPORTE
P. 13
24 AWEMainta Diahuebs, 17 Mei 2018
Deporte
Brazil Taekwondo su team
di “Train Hard Fight Smart”
ta cla pa Surinam Open
BRAZIL Taekwondo Stichting tin e di 11 Surinam
Open riba e plan di aña 2018 y e team di Train Hard
Fight Smart di Brazil Taekwondo Stichting a prepara
duro p’asina Aruba ta bon representa na Surinam.
E training a subi un etapa mas halto awor cu dos atleta
a drenta e categoria di adulto y Surinam ta bay ta nan
prome campeonato internacional den e categoria aki y
esaki no ta bay ta algo facil.
Na Surinam ta bay tin participacion di varios otro pais
manera Trinidad & Tobago, Frans Guyana, Corsou
y Surinam. Aruba su team ta consisti di e siguiente
atletanan: Danon Delamore, Rasheed Lowe, Hakeem
Lowe, Záhyon Klabér, Jourdé Klabér y Joshua Klabér.
Brazil Taekwondo Stichting su atletanan ta prepara y
ta cla pa enfrenta e reto aki.
Despues ta bay haci un analisis pa ora e atletanan di
Brazil Taekwondo Stichting bay Europa. Henk Meijer
ta bay guia e atletanan pa 5 siman na Europa.
Brazil Taekwondo Stichting ta gradici Lotto pa De-
porte cu a yuda cu un parti di e gastonan pa Surinam.
