Page 63 - FUNDASHON LOTTO PA DEPORTE
P. 63
Cu incredulidad y euforia, fanaticada di Team 99 ta wak con nan ta pika dilanti cu 16-
15! “No puede ser!”, bo ta tende e “chicas” nan ta sclama ora cu Team 99 ta sigi
avansa te 20-15! Gritonan “X-Rated” ta cay ora Team 99 sensacionalmente ta gana cu
score di 21-15!! Hopi di Balashi Knights a core bandona luga manera fruminga cu a
haya holo di flit!!
Un anochi historico pa Team 99!! Pero…shonnan keda pendiente! Ya caba whatsapp a
cay cu Balashi Knights kier revancha! E cos aki ta bay haya rabo! Un palabra grandi di
99 Bar & Restaurant ta bay pa nan fanatico y hungadornan, y tambe pa Romar Trading
kende un biaha mas a sa di sponsor un tremendo evento!
