Page 74 - KPA_Neat

Sospechoso den caso Romy ta

admiti su culpabilidad

8 June, 2017
0

HOEVELAKEN, Hulanda- E sospechoso di 14 aña a admiti su culpabilidad den e

asesinato y abuso di Romy, di 14 aña. Ministerio Publico a anuncia diahuebs.

Hues Comisario diahuebs a dicidi di prolonga detencion di e mucha homber cu

14 dia mas.
Diaranson a bira conoci cu e mucha homber, di Lunteren, municipio di Ede,

tabata bay scol cu Romy. Varios muchanan di scol di J.H. Donnerschool ta biba
cerca famianan di criansa of internadonan na De Glind, cu un populacion di no

mas di 600 habitante. E pueblo ta wordo yama tambe e pueblo hubenil De
Glind.

Tin mas o menos 120 mucha cu pa un of otro motibo no ta biba cerca nan
famia. Mas aleu cerca di 100 mucha cu problemanan complica ta haci uzo di e
facilidad.

E curpa di Romy a wordo haya diabierna dia 2 di Juni den awa cerca di e

Emelaarsepad na Achterveld. E no a bin cas despues di scol, pero tampoco el a
wordo raporta como desapareci.