Page 36 - KPA 10 MAART 2016

Mama ta laga muchanan menor di edad nan so den cas

on: March 09, 2016In: SucesoNo Comments
Print Email

Diamars, pa mas of menos 10’or y 42 di anochi, Central ta dirigi patruya na un cas den Semeleerstraat,
caminda cu un mama lo a laga su yiunan nan so den cas.
A papia eynan cu e yiu homber di 12 aña, kende a declara cu en berdad e mama desde 10’or ya no
tabata tey mas y a bis’e cu e lo bin bek. E mucha homber tabata su so na cas hunto cu su ruman muhe (6
aña), kende pa colmo ta malo tambe.
E patruya a haya number di e mama for di e mucha homber y a tuma contacto cun’e. Un rato despues e
mama a yega na e cas, kende a ricibi un bon skwal for di polis riba su comportacion y tambe riba e
peligernan cu tin. Esaki parce no tabata e prome biaha cu e mama MM lo a haci esaki.
E mama a reacciona nonchalant y no ta compronde cu loke el a haci no por. Polis a splik’e cu si esaki
sigui sosode, polis lo tuma contacto cu e instancianan concerni. E mama a compronde esaki. Central a
wordo poni na altura.
http://masnoticia.com/mama-ta-laga-muchanan-menor-di-edad-nan-den-cas/