Page 10 - KPA 7 DEC 2015

Tres persona a resulta herida den un
accidente na Palm Beach

1 dia pasa , 6 di december 2015 05:10
Seccion: incidente

Diadomingo madruga bayendo pa un asistencia e patruya a topa cu un accidente cu hende herida
pabao di The Mill Resort, mesora a pidi pa dos ambulans y tambe e transporte pa detenido, ya cu
un di chofer nan tabata mustra di ta bao di influencia di alcohol. Na yegada di e vehiculo di
transporte e chofer cu lo tabata bao influencia a sak den otro papiando cu un polis. Eynan a
solicita presencia di otro ambulans na e sitio. Según por a compronde aki ta trata di un accidente
unda e chofer di e Nissan Sentra a bay bira na su man robes sin a duna preferencia na e Suzuki
Baleno di direcion contrario. Door di e impacto e dama chofer di e Suzuki Baleno como tambe
un pasahero na banda a dal nan cabes na e windshield y dashboard y tabata sinti hopi dolor. Na
yegada di ambulansnan nan a atende tur e tres victimanan y hiba nan pa hospital.