Page 18 - ARUBA BANK

 ENTERTAINMENT
Prome Aruba Bank Sport Clinic tabata exitoso

Muchanan a disfruta di clinica di bowling

February 18, 2018

ORANJESTAD, Aruba – Diasabra a cuminsa e prome evento di Aruba Bank Sport Clinic, di cual Aruba Bank

y Comite Olimpico Aruba a bini hunto pa bin cu clinica pa mucha y hobennan siña mas di diferente deporte.
Desde 2016 Aruba Bank y COA ta enfoca riba sosten di e vision y mision di e organisacion olimpico y nan
principionan fundamental.

E prome sport clinic tabata di bowling unda cu 40 mucha a presenta pa asina cera conoci cu atleta di bowling
Kamilah Dammers. Desde prome cu 10:00am muchanan a cuminsa yega pa asina nan siña mas di bowling. Na
comienso e muchanan a ricibi introduccion ken ta Kamilah Dammers como atleta y nan a haya sa di su
competencianan.

Durante e clinica di deporte e muchanan a ricibi diferente instruccion riba bowling y e tecnicanan. Despues e
muchanan a bay riba e ‘lane’ unda cu nan a practica tur loke nan a siña. E muchanan a haya un momento di
descanso pa despues nan por a hunga bowling. Nan tabata ricibi instruccion di diferente coach durante e

weganan.