Page 27 - ARUBA BANK

A17
HENDE Dialuna 19 Februari 2018

Muchanan a disfruta di clinica di bowling

ORANJESTAD – Durante fin di siman tras di lomba Aruba Bank a cuminsa cu su porome evento di Aruba Bank Sport Clinic. Aki ta unda
Aruba Bank y Comite Olimpico Aruba a bini hunto pa asina bin cu un cu clinica pa mucha y hobennan siña mas di diferente deporte. Esaki ta
segun e relato cu nos a ricibi.

E prome sport clinic tabata di bowling unda cu 40 mucha a presenta pa asina cera conoci cu atleta di bowling Kamilah Dammers. Desde prome cu 10:00am
muchanan a cuminsa yega pa asina nan siña mas di bowling. Na comienso e muchanan a ricibi introduccion ken ta Kamilah Dammers como atleta y nan a haya
sa di su competencianan.

Durante e clinica di deporte e muchanan a ricibi diferente instruccion riba bowling y e tecnicanan. Despues e muchanan a bay riba e lane unda cu nan a practica
tur loke nan a siña. E muchanan a haya un momento di descanso pa despues nan por a hunga bowling. Nan tabata ricibi instruccion di diferente coach durante
e weganan.

Na final di e clinica di bowling, e muchanan cu kier sigui crece den bowling a ricibi diferente informacion pa asina nan por bira miembro di e federacion. Tur
mucha a gradici Aruba Bank y COA pe oportunidad aki di a participa den e clinica. E clinica di bowling tabata un exito, unda cu e muchanan a pasa un momento