Page 3 - HOH

18 MEDIO AMBIENTE AWEMainta
Fenomeno Impresionante
Remolino di nubia mira cerca di 6 isla den Atlantico
NOS planeta ta sigui asombra nos cu su fenomenonan natural
extraordinario y de bes en cuando, potretnan for di espacio ta
duna nos un bista unico riba nan. Recientemente, un potret di
satelite di 2015 a bolbe sali na cla, mustrando un serie espec-
tacular di “von Karman vortices” – remolinonan di nubia gigante
– ta draai leu for di e islanan di Madeira y e Islanan Canario
den Ocean Atlantico. E remolinonan gigante aki hunto ta wordo
considera como un di e miho ehempelnan di e fenomeno meteo-
rologico aki cu a yega di wordo mira, dunando nos un otro motibo
pa aprecia e complehidad di nos atmosfera. E noticia interesante
aki a wordo publica dia 30 di juni ultimo.
E potret impactante aki, capta pa e satelite Terra di NASA riba
20 di mei 2015, ta mustra multiple ehempel di e fenomeno di
Von Karman vortices, ta draai for di por lo menos seis isla dife-
rente den Ocean Atlantico. Hopi biaha asina tanto di e streanan
di nubia cu ta draai aki a wordo mira na mes momento y riba
un area asina grandi. Von Karman vortices ta tuma luga ora un
biento prevalente topa cu un masa di tera grandi, cu ta stroba e
fluho di aire y ta crea “un rij dobel di remolino cu ta alterna nan
direccion di rotacion,” segun e National Oceanic and Atmospheric
Administration (NOAA). E remolinonan aki ta sigui move abou di
e masa di tera y ta bira visibel ora nubianan keda pega den nan.
Riba e potret aki, e remolinonan gigante di nubia hunto ta cubri
un area di mas of menos 670,000 kilometer cuadra, haciendo
Diasabra, 5 Juli 2025
esaki un di e ehempelnan mas grandi di vortices concurente cu a
yega di wordo mira, segun NASA su Earth Observatory.
E remolinonan mas compleho riba e potret ta wordo mira den e
vortices for di Madeira, un archipielago Portugues, na parti ariba
di e imagen. Aki, e concentracion halto di nubia ta revela e move-
mentonan detaya di e aire perturba den un manera excepcional.
Tambe ta mira streanan di remolino menos defini ta sali for di e
Islanan Canarias Spaño. For di robes pa drechi, esakinan ta: La
Palma, El Hierro, La Gomera, Tenerife y Gran Canaria. Si bo wak di
cerca, por mira cu e vortices for di La Gomera y Tenerife ta stroba
otro, casi cancelando nan completamente.
Madeira y e Islanan Canaria ta entre e miho luganan riba tera pa
mira Von Karman vortices, segun e European Organisation for the
Exploitation of Meteorological Satellites (EUMETSAT). Esaki ta
pasobra nan tin pik halto, temperatura halto y ta rasonablemente
separa for di nan continente respectivo. E remolinonan aki tambe
ta wordo mira hopi biaha saliendo for di Guadalupe, un grupo di
seis islanan Frances den Caribe, na e banda opuesto di Atlantico.
Mientras cu e vortices ta tuma luga mas cu tur caminda den
climanan tropical, nan por wordo mira tambe den Artico, manera
na Svalbard su Bear Island, unda nan por aparece hunto cu remo-
linonan di alga. Na promedio, un paar di Von Karman vortices ta
wordo crea un caminda riba Tera cada ocho ora, segun EUMETSAT.
E fenomeno aki ta un recordatorio bunita di con dinamico y
compleho nos atmosfera ta, revelando cu for di espacio, hasta
biento por pinta cuadronan impresionante.
Fuente: LiveScience