Page 37 - AHATA

ORANJESTAD (AAN): Durante e conferencia di prensa di fraccion di MEP,
Parlamentario Rocco Tjon a reacciona riba e asunto di e cuenta anual 2016 y riba CAft.

Tjon a indica cu CAft ta keda bisa cu e cuenta anual no a wordo aproba ainda y cu esaki

ta un punto di preocupacion pa nan.

Na momento cu parlamento a trata e cuenta anual 2016 a trece pa dilanti cu tin cierto
puntonan cu nan kier haya un contesta riba nan ainda. Esaki ta preguntanan cu a

wordo haci por escrito y cu a compronde cu aworaki ta bay haya contesta riba nan
tambe pa asina e cuenta anual por wordo trata, a bisa.

E topiconan specifico ta cu den e cuenta anual di 2016 a resulta cu gabinete di Mike

Eman a gasta 10.1 miyon florin extra sin cu tabata tin autorizacion pa cu esaki. Locual
ta haci esaki mas preocupante pa Parlamento ta cu segun e raport di Algemene
Rekenkamer, e 10.1 miyon florin aki no tin un splicacion na unda esaki a wordo uza, a
remarca.

Esaki ta e preguntanan cu kier haya un contesta riba dje prome. Kier sa specificamente
unda e 10.1 miyon florin aki a wordo uza. Si tin un splicacion valido pa cu esaki.

Un pregunta huridico cu a wordo haci y cu ta bay haya un contesta for di Directie
Wetgeving ta ken ta bay para responsabel pa e suma aki si resulta mañan cu no tabata
tin un motibo valido pa cu esaki, Rocco Tjon a enfatiza.

Esaki ta e preguntanan cu tin y kier haya un contesta specifico riba unda e 10.1 miyon
florin aki a wordo gasta y si e cuenta anual 2016 wordo aproba, si esaki ta nifica tambe
haya sa ken ta bay para responsabel pe.

Tjon ta espera cu esaki por wordo aclarea pa loke ta e cuenta anual 2016 y un bez cu
keda cla cu esey Parlamento lo trata cuenta anual 2017, cual a compronde cu ya caba
ta cla pa wordo trata.

https://www.diario.aw/2020/02/gabinete-mike-eman-a-gasta-10-1-miyon-florin-extra-sin-autorizacion-
y-no-sa-unda-e-placa-aki-a-bay/