Page 13 - LOTTO FLIP 15 JULY 2017

Aruba Tang Soo Do Federation ta host e 16 th World Tang
Soo Do Regional Championship Aruba 2017

Friday, 14 July 2017 16:12
1

Comparti

Majan diasabra lo inicia na Aruba un otro evento deportivo di taya mundial riba nos isla ora cu e
federacion di Aruba Tang Soo Do organisa e di 16 edicion di e World Tang Soo Do Regional
Championship Aruba 2017.

Esaki sigur ta un campeonato grandisimo y di taya mundial mirando cu paisnan manera Puerto Rico,
Costa Rica, Panama, Nicaragua, Hulanda y Merca,sin lubida nos propio atletanan lo competi contra di
otro den e deporte di Tang Soo Do. Ta ser spera un total di 125 atleta cu lo participana e campeonato
regional aki. E competencia lo tuma lugar na Renaissance Convention Center y lo conta cu e bishita di e
Grandmasternan di World Tang Soo Do, Kwan Chang Nim Strong y Kwan Chang Nim Beaudion como
tambe Regional Director Master Wilfredo Burgos. Na banda di e competencia lo tin tambe otro
actividadnan di Tang Soo Do manera workshop, Black Belt examen y Ki Kong Training.

E evento ta premira di bira uno gradisimo y lo inicia pa 10or di mainta. Sin duda esaki ta un otro bunita
propaganda pa e deporte di Aruba, specialmente e deporte di Tang Soo Do cu un bes mas ta host un
campeonato di halto nivel riba nos isla. Un danki sigur na Lotto, e Loteria di Aruba pa medio di Comision
di Subsidio cu a yuda subsidia e di 16 edicion di e World Tang Soo Do Regional Championship Aruba
2017. Cumprando weganan di Lotto, e Loteria di Aruba bo ta contribui na deporte riba nos isla. Meta di e
fundacion ta pa organisa loteria, cambia bida di su hungadonan y na mes momento inverti den deporte
local pa medio di donacionnan na e comision di subsidio.