Page 21 - Awemainta
P. 21
AWEMainta Dialuna, 18 Januari 2016 21
Mihor actor pa
E BERGUENSA!
ADDONSITO Croes ta gradici un y tur cu den 2015 a sostene e mundo
cinematografico di Aruba. Tabata algun tempo atras cu su persona a
dicidi hunto cu e productora local di pelicula Desiree de Sousa Croes pa
organisa e prome Aruba Short Film Festival 2014 y 2015. Den e Short
Film Festivalnan aki productornan local tabatin e oportunidad di traha y
competi cu filmnan cortometrahe riba e pantaya grandi di Cas di Cultura.
Temanan tabata varia di Amor di pareha pa cuido di nos ancianonan y
violencia domestico entre otro.
Addonsito Croes tambe a hunga rolnan importante den algun di
e peliculanan aki. E pelicula “NO MAS” keto bay por ser mira via
pantayanan di Tele-Aruba.
Mario Felipe den E Berguensa
Den 2015 el a hunga e rol di Mario-Felipe den e pelicula cortometrahe
titula: “E BERGUENSA” di 16 minuut.
Pa su rol Addonsito Croes a ricibi for di fundacion BEREA, cu ta sigui
e peliculanan cortometrahe di serca, e premio di BEST ACTOR 2015.
Danki n’e mas cu 6000 persona cu a tuma nan tempo pa mira e pelicula
aki cu a trata di un persona special cu tabata ser maltrata y cu tabata un
berguensa pa su famia den aňanan 70 na Aruba.
Otro tema cu tin den e pelicula aki ta incest. Danki na full e team dinamico
cu a forma hunga y produci E BERGUENSA. E premio aki ta pa cada un
di boso.
Ainda por wak E BERGUENSA riba Youtube channel di Ishwar Daryanani.
“NATALIA”
Pa 2016 Addonsito Croes tin otro rol importante hungando den un
pelicula largometrahe titula “NATALIA” hunto cu Lislaine Bermudez,
Gilhmer Croes produci pa Angelo Croes. Keda pendiente como cu esaki
lo ta un pelicula pa mercadonan internacional.
