Page 18 - DVG

Bapor crucero na Corsou cu hende cu

por tin covid-19

Posted on 03/10/2020 9:15 am AST | Updated on 03/10/2020 9:17 am AST

WILLEMSTAD – Diamars mainta e bapor crucero MS Braemar, di e liña crusero Fred
Olsen, a mara na Corsou. Loke ta hacie noticia, ta cu ningun pasahero ni tripulante mag
baha di e bapor. Esey ta un decision di gobierno di Corsou, despues cu e liña crucero mes
a notifica autoridad di Corsou cu tin tres tripulante y un pasahero abordo posiblemente
contamina cu coronavirus COVID-19. E expertonan di GMN lo subi e bapor y haci e
testnan necesario. Nan lo tuma e muestranan, bisti completamente segun protocol di
siguransa. E compania crucero ta paga tur gasto mara na e investigacion di laboratorio.
Ningun otro persona cu no ta professional di GMN lo no subi e bapor. E bapor ta sali di
Corsou awe mes.

E liña crucero mes a bati alarma ora cu un hende cu tabata abordo recientemente, a test
positivo pa e virus, algun dia despues di a desembarca. Den e dianan cu a pasa, 4 hende
riba e bapor, a cuminsa haya e simptomanan. Riba e bapor, e docter a tuma tur
precaucion necesario door di pone e hendenan concerni den isolacion.

Cortesia Extra Curacao