Page 33 - DVG

Den e caso aki tambe, famianan mester prepara pa por come hasta si yega na un
situacion cu ta dificil pa sali for di cas pa cumpra cuminda.

Mester tin bleki di alimento cu por warda, mescos cu ta e caso ora ta prepara pa un

desaster natural.

Famianan cu tin yiu, mester tene e cuminda special pa baby of mucha na consideracion.
Tin suficiente lechi, papa y otro alimento pa mucha?

Pa loke ta trata alimento, tin cuminda pa personanan cu un dieta special pa nan salud?
Aki mester pensa den direccion di sucu artificial pa personanan cu diabetes.

Mester tene alergianan na consideracion.

E cushina di Aruba ta duna recept basico. Hariña pa pan bati, funchi y awor por agrega
arepa. Mester di azeta, manteca por ehempel.

Tin suficiente habon pa tur tipo di uzo? Higiena ta sumamente importante, sigur den
casnan di famia caminda hopi hende ta reuni.

Den e caso di Covid-19 e peliger cu e malesa ta plama ta importante. Cup di plastic ta
bira importante si no tin otro forma pa evita cu hende ta uza cup di otro.

Ningun miembro di famia ta na haltura si un persona cu ta atende cu otro hende, por a

haya e malesa.

Famianan grandi cu poco espacio, mester mira con ta bolbe haci mas uzo di porch y
cura y keda agradecido cu e clima di Aruba ta haci esaki posibel.

Tin famia cu ta consisti di hende grandi y hende cu mas peliger pa gravedad. Mester
tene e peliger mas grandi pa miembronan di un famia cu ta sufri di un enfermedad of
tin edad mas halto na bista.

Mester atende cu autoridad medico, pa medio di e puntonan di contacto cu gobierno a
introduci, si nan bienestar ta na peliger.