Page 24 - MIN ON 23 JUNE 2017

Pakico kier perhudica Funari pa

ricibi un donacion

23 June, 2017
0

Ta di lamenta cu un persona por ta contra pa haci un donacion na un fundacion

cu berdaderamente tin mester di e ayudo financiero for di comunidad. Partido
MAS a haci un donacion na Funari hustamente pa e motibonan aki. Ta asina cu

Partido MAS a atende un evento na Biblioteca Nacional di e Fundacion Donny
Lacle na unda cu Funari tambe tabata presente. Na e momento ey a haci uso di
e ocasion pa respetuosamente entrega un donacion na Funari, sin interumpi e

evento andando. Na ningun momento a haci esaki cu mal intencion. Banda di
esaki partido MAS a contribui no solamente cu Funari pero tambe cu Fundacion

Donny Lacle di Sra. de Graaf, cual si Sra. de Graaf no ta menciona. Pakico no?
Pakico kier perhudica Funari pa ricibi un donacion? Sra de Graaf ta menciona cu

Partido MAS a haci politica den su evento, pero Partido MAS tambe a haci
donacion na su grupo di cual si na ningun momento el a menciona y tampoco a

bay en contra. Esaki ta algo sin duda algun pa cuestiona e ora e etica y
intencion di sra. De Graaf. Banda di esaki partido MAS a hiba combersacionnan
na algun ocasion caba cu e sra. De Graaf y a bisa cu fotonan cu ta compromete

e grupo di sra. De Graaf lo keda usa interno solamente y Partido MAS a cumpli.
E foto cu a keda publica ta uno discreto cu solamente Representantenan di

Funari riba e potret y di cual ningun hende por decifra na unda precies of na ki
ocasion esaki a wordo haci, te ora cu Sra. De Graaf mes a divulga esaki. Banda

di esaki ta profundamente di lamenta cu sra. De Graaf a informa via un yamada
telefonico cu lo tin intencion di caba cu fundacion Funari y partido MAS. Awor

Partido MAS ta puntra con un persona cu ta bisa di ta traha pa comunidad, lo
por kier algo malo pa un fundacion asina respeta manera Funari? Partido MAS ta
lamenta e sucedido y ta spera di por a aclarea e situacion.