Page 8 - SOLO SEPT 29
P. 8
Pagina 8 Diamars 29 September 2015
Congreso di MEP a homenahea ex - Minister Nilo Swaen pa su
esfuerzonan haci pa salvaguardia finanzas publico di Aruba
Durante di e Congreso di Partido MEP, e partido a
reconoce ex - minister sr. Nilo Swaen, kende a ocupa e
funcion di minister di finanzas den e Gobierno di MEP.
Durante e periodo ey, Partido MEP a hiba un gobernacion
responsabel, unda a tene finanzas publico bao di control.
Aparte di a hiba un maneho cauteloso, el’a tuma curashi
tambe pa introduci e salestax “bbo”, cual a wordo
demonisa pa partido AVP, bisando cu nan lo bay elimin’e.
Awor e momento a yega cu e “bbo” a bira MAS di loke
cu AVP a haye na 2009, mustrando asina cu e sales tax
aki tabata necesario pa pais Aruba.
Sala a duna sr. Nilo Swaen un standing ovation pa
algun minuut largo, ora cu el’a subi e escenario di Cas
di Cultura. Solo di Pueblo ta felicita sr. Swaen pa e
reconocimento aki. No tabata un trabao facil, pero Nilo
a sa di haci’e cu hopi esfuerzo y dedicacion pa nos pais.
