Page 30 - AM240425
P. 30
30 DEPORTE AWEMainta Diahuebs, 25 April 2024
Caitlin Clark cla pa firma acuerdo record
cu Nike 28 miyon dollar den 8 aña
CAITLIN Clark, reconoci como e scorer mas prolifico den
historia di division I di NCAA y e miho seleccion general
den e draft di WNBA, segun rapportnan, ta cerca di marca
otro logro monumental. E atleta strea ta cla pa extende su
asociacion cu Nike via un contracto innovativo di 28 miyon
durante ocho aña, cu ta inclui desaroyo di su propio sapato
exclusivo.
Informacion di The Wall Street Journal y The Athletic a
revela e acuerdo inminente, citando fuentenan familiarisa cu
e negociacionnan entre Nike y representantenan di Clark.
Excel Sports Management, e agencia cu ta representa Clark,
a abstene di comenta riba e asunto, mientras cu Nike ainda
no a contesta e peticionnan pa confirmacion.
E acuerdo inicial di nomber, imagen y aparencia di Clark, nobo lucrativo aki.
firma na 2022, a conclui na final di temporada 2023-24,
habriendo caminda pa negociacionnan riba e contracto Si e wordo finalisa, e acuerdo proponi lo marca e acuerdo di
patrocinio mas substancial cu un hungado di basket femenino
a yega di sigura, elevando Clark su status como pionero
den e deporte. Particularmente, otro marcanan importante
di paña deportivo manera Under Armour y Adidas tambe a
cuminsa combersacion cu e team di Clark na februari, segun
The WSJ y Athletic a informa.
Under Armour a extende un oferta di 16 miyon dollar pa
cuater aña, mientras cu Adidas a propone 6 miyon dollar
durante e mesun duracion, y tur dos contract lo a inclui
creacion di un sapato exclusivo. Puma a mustra interes
inicialmente, pero el a retira for di e negociacionnan ora el
a haya sa cu e licitacion lo a cuminsa na 3 miyon pa aña,
segun WSJ.
Clark su acuerdo cu Nike ta representa un milestone signifi-
cativo no solamente pa su carera sino tambe pa e industria
di basketball femenino en general. Mientras deporte ta sigui
gana reconocemento y inversion, atletanan manera Clark ta
redefiniendo e panorama y estableciendo standardnan nobo
pa oportunidadnan di sponsor y sosten.
E acuerdo manera specula, ta enfatisa e compromiso di Nike
pa apoya y empodera atletanan femenino, amplificando
nan visibilidad y influencia riba escala mundial. Cu Clark na
vanguardia di e asociacion innovativo aki, e futuro di basket-
ball femenino ta parce mas briyante cu nunca, preparando
pa crecemento y exito continuo tanto paden como pafo di e
cancha.
