Page 54 - MIN VOS 29 FEB 2016

24 AWEMainta Dialuna, 29 Februari 2016

Comision
Speransa pa nos
Atleta ta gradici

comunidad pa
nan aporta
durante e
torneo “Ban
yuda Echi”

COMISION Speransa pa nos Atleta, hunto cu

Aruba Softball Bond, a organisa un torneo di
softball dianan 18, 19, 20, 21 di februari unda tur
fondo cu a wordo recauda a bay pa un solo meta
esta pa yuda un atleta di seleccion den nesecidad,
esta Echi Boekhoudt, kende a sufri un accidente
di auto grave algun luna pasa por lo tanto su
wowonan a keda cu limitacion esta scheel.

Echi apenas di 22 aña cu un futuro briyante ainda
su dilanti lo kier bay den exterior pa busca su
salud. Pa cu esaki e comision a wordo lanta y tanto
comision cu Aruba Softball Bond kier expresa
palabranan di gratitud na tur esnan cu a brinda
nan aporte.
Torneo tabata uno sumamente exitoso, pero sin
ayudo di diferente hende esaki no lo por tabata
posibel.

Comision kier gradici mayornan y familiares di
Echi, su comprometida mama di su 2 yiunan
Shislane y tur su amiganan, umpires, scorers,
DJ Giandrick, Mikes Disco, Zeta Band, Veld
di Kudawecha, Click Prints N.V., Louis Luna,
medionan di comunicacion, Tropical Bottling,
Romar Trading, Leonardo Geerman y tur
cuidadano cu di un of otro forma a aporta.

Nos ta sumamente contento cu 30 ekiponan cu
den un corto tempo a confirma y a duna nan sosten
incondicional hungando na un manera deportivo
y unico.
Ekiponan di 50+, 40+, Seleccion Masculino Fast
Pitch, teamnan Modified, ekiponan di Damas,
boso tur a contribui pa un causa noble y bunita.

Durante siman Comision lo publica e suma exacto
cu a wordo recauda cual sigur lo yuda Echi pa por
bay den exterior pa un ‘second opinion’.
Masha masha danki henter pueblo di Aruba y sigur
e famia grandi di softball. Union ta haci forsa.