Page 18 - ATA 17 DEC 2015

2 AWEMainta Diahuebs, 17 December 2015

Cu un avion completamente “sold out”

Aruba Airlines a
inicia buelo pa
Corsou y Republica
Dominicana

Cu tarifanan mas economico den mercado

CU SU avionnan nobo Airbus A-320 cu ta carga 150 pasahero

sinta comodo, Aruba Airlines a inaugura su buelonan pa Corsou y
Republica Dominicana.
E buelonan lo ta diarazon, diabierna y diasabra. Hunto cu directiva
di e compania, a yama e prome pasaheronan bon bini abordo.

Director General di Aruba Airlines, Onno de Swart, tabata masha
contento na momento di inaugura e buelo aki. El a sigura cu for di
prome dia di Aruba Airlines tabatin plannan pa bula den region, pero
semper a keda pendiente pa forma un “hub” prome pa por hustifica
e buelonan di distancia asina cortico cu avionnan asina grandi.
“Pero awor cu nos tin un bon hub na Aruba cu conexion diario pa y
for di Venezuela, Panama y Miami, a bira ora pa expande nos halanan
tambe pa Corsou y Republica Dominicana”, asina Onno de Swart a
duna di conoce.

Presente n’e ceremonia inaugural tabata representantenan di Aruba
Tourism Authority y Aruba Airport Authority, pa felicita gerencia y
empleadonan di Aruba Airlines cu e dos buelonan aki.
E prome buelo aki tabata “sold out” cu hasta tabatin pasaheronan riba
“stand by” mustrando e interes grandi cu tin pa ambos destinacion.
E buelo AG-501 ta sali 8:15am for di Aruba pa Corsou y ta sigui
9:30am for di Corsou pa Republica Dominicana y sali bek 2:30pm
pa Corsou y 4:15pm ta bula for di Corsou pa Aruba.

“Nos meta ta pa ofrece un buelo placentero, den avionnan nobo y
moderno, cu un servicio personal y sin lubida na un tarifa husto”,
segun Onno de Swart.
El a bisa di tabata sorprendi di tarifanan prome cu Aruba Airlines a
inicia buelo, den cual pasaheronan tabata paga mas cu 500 florin
pa biaha pa Corsou.
Aruba Airlines ta inicia su buelonan pa Corsou cu un tarifa di
introduccion di 288 florin y pa Republica Dominicana pa 488 florin.
Ta bon pa subraya cu ambos tarifa ta inclui “Airport Tax” na ambos
destinacion. Tene cuenta cu si suma e impuesto di salida di Aruba y
Corsou hunto ta yega casi 100 florin pa pasahero.

Na Aruba pasaheronan ultimo tempo tabata paga hasta riba 500
florin pa biaha 15 minuut pa Corsou y riba 1100 pa Republica
Dominicana.
Por mira cu Aruba Airlines sin duda ta percura pa,via competencia,
reduci tarifanan di pasashi na normalidad atrobe!
Pa por cumpra pasashi pa biaha cu Aruba Arilines, por bishita nan
oficina di benta situa na Cumana 69, na Aeropuerto, via website of
via bo agencia di biahe preferi.