Page 22 - 11May2022

PAGINA 22 DIARIO DIARANZON 11 MEI 2022

Playoff semi final division Honor ta sigui awe

ORANJESTAD (AAN)-
Awe lo continua e semi
final di campeonato di
futbol Division Honor cu
e wega entre Britannia y
La Fama. Diasabra pasa a
cuminza e prome weganan
di semi final caminda
Dakota a gana Britannia 4
pa 1 y La Fama y RCA a
keda empata na 0-0.
E wega di awenochi ta
programa pa cuminza pa
8’or den Centro Deportivo
Guillermo Trinidad.
Mañan diahuebs tambe lo
tin un wega entre RCA y
Dakota pa 8’or di anochi.
Y e weganan pa e prome
rond di semi final di
e campeonato lo sigui
Diadomingo y pa otro
siman lo cuminza e di dos
rond.

Baseball Liga 40+

Team di Spuiters a derota Old Timers cu score abrumador di 9-0

ORANJESTAD (AAN):
Diasabra atardi 7 di Mei
2022, a sigui cu weganan
di Baseball Liga 40+
den Joe Laveist Ballpark
na San Nicolas. Aki e
peloteronan di e team di
Spuiters a gana e grupo
di Old Timers cu score
abrumador di 9-0.
Spuiters a anota 9
careda, a conecta 6 hit, y
no a comete eror. E team
di Old Timers no a anota
careda, a conecta 3 hit, y a
comete 3 eror.
E pitcher ganador di
Spuiters tabata Ludwin
Dabian, y e pitcher
perdedor di Old Timers ta
Ricardo Perez.
E mihor bateadornan di
Spuiters tabata Clyde Roga
(1-1), Jason Albus (1-1),
Nelson Moreno (2-1), y
Edgard Flanegin (1-1).
E mihor bateadornan di
Old Timers tabata Gregory
Alias (1-1), Johnny
Rasmijn (2-1), y Frenk
Kock (1-1).