Page 102 - MIN VOS 21 SEPT 2015
P. 102
Raad van Toezicht di Hospital mester haci un Feiten
Onderzoek y entrega resultado den 4 siman
Publication: Monday, 21 September 2015. Categoria: General
ORANJESTAD (AAN): Aunke cu Minister di Salubridad Publico Alex Scwengle a presenta
diabierna mainta den Parlamento pa contesta pregunta encuanto e sala di operacion cu no a
worde inclui den plan renobacion hospital, esaki a worde posponi.
Y esaki tabata simplemente pasobra e miembronan di Parlamento no a keda satisfecho cu e poco
informacion cu tanto Hunta di Directiva como Hunta di Supervision a suministra na e
mandatario.
Parlamentario drs. Mervin Wyatt Ras, kende ta presidi e comision fiho di Parlamento riba asunto
di Salubridad, a splica cu dia 26 di februari tabatin un reunion amplia cu e Minister riba
renobacion y ampliacion di dr. Horacio Oduber Hospital. E mandatario a splica na e ocasion ey
cu lo mester construi acerca e sala di operacion cu no a worde inclui den e plan inicial.
E hecho ariba menciona a lanta un discusion ya cu Parlamento no tabata na altura di esaki pero e
mandatario mes no tabata na altura, ya cu e plannan tabata data di e tempo prome cu el a bira
Minister di Salubridad Publico.
El a Parlamentario a señala cu nan a haya un splicacion cu inclusion di un sala di operacion lo
bay haci un diferencia den e suma cu Parlamento di Aruba a aproba pa e proyecto aki. E tabata
un apoderacion pero door di e suma adicional, a pidi e Minister pa bay back cerca esnan
responsabel di hospital pa busca informacion di kende ta responsabel pa e sucedido y duna
Parlamento un contesta den dos siman. Dia 24 di juli a haya contesta di e Minister riba e
informacion cu el a ricibi pero alavez informando cu Hunta di Supervision no a dune contesta
satisfactorio. El a haya esaki lamentable, y Parlamento tambe, e Parlamentario a indica.
Principalmente pasobra mester duna cuenta di kico ta haci cu placa di pueblo. E mandatario mes
a expresa den Parlamento cu e ta lamenta loke cu a bay fout y cu e lo bay busca mas
informacion riba unda e cos a bay robez.
