Page 53 - MIN ON 13 OCT 2015

Partido ABO: T’asina tanto placa Colegio Arubano tin, cu e por paga un salario
miyonario?
Tuesday, 13 October 2015 09:10
Comparti

Siman pasa nos por a lesa den un comunicado di e sindicato di maestronan (SIMAR), cu e situacion di nos
sistema educacional ta den un estado critico pa falta di e atencion necesario. Esaki ta un confirmacion di
locual hopi hende tabata bisa pa hopi añanan caba, pero cu e mandatarionan encarga cu enseñansa a
prefera di laga e situacion deteriora.

Nan tabata tin mas atencion pa e sacamento di potret cu metanan politico, pa cu e calidad di sistema
educacional. Ta casi imposibel pa no pensa cu esaki ta un acto criminal. Intencionalmente e futuro
generacion no a haya e atencion necesario, pa asina crea un plataforma politico pa un mandatario bin
hunga e ‘bondadoso’ despues.

No ta e mandatarionan so, ta esunnan culpabel di e estado critico di e sistema educacional. Diferente
directivanan di scol tambe tin culpa. Algun aña pasa, nos por a tuma nota cu Colegio Arubano a cambia e
reglanan di salario ora cu nan a busca un rector nobo. Segun Stichting Middelbaar Onderwijs Aruba
(SMOA), nan mester a paga e rector aki un salario halto, pasobra e persona aki por a mehora e
resultadonan abou di e cantidad di alumnonan cu ta gradua. Enbes cu e resultadonan a subi, nan a baha
mas. E aña escolar cu a pasa, e resultadonan tabata esunnan mas malo den henter Colegio Arubano su
historia.

Ora cu bo lo pensa cu SMOA lo a siña nan les di e aventura aki y cambia nan maneho, SMOA a scoge pa
sigui cu e aventura aki. E directiva actual di SMOA a duna e rector actual un contract di 13.750 mensual
(207.065 florin anual) pa 5 aña, banda di un compensacion di 67.160 florin (Bon Dia Aruba, 22 september
2015). E contract aki a wordo firma sin consulta anteriormente cu e minister di Enseñansa y sin e
‘dekking’ financiero rekeri.

Despues cu SMOA a firma e contract, nan a bay mira si e minister por subsidia e salario nunca ‘antes
bisto’ den mundo di educacion aki. E no ta e mesun directiva di SMOA a emiti un comunicado dia prome
di october 2015 bisando: ‘Nos mester wak den spiel y determina kico nos ta haci bon y unda por miho’?
Wel den cua spiel e directiva di SMOA a wak ora cu nan a firma e contract aki? Nan no a mira cu pagando
e rector saliente un super bon salario, e aventura no a resulta?

Awor cu tur e bon intencion cu e rector actual aki por tin, e mes ta admiti cu e tampoco lo por mehora e
resultadonan abou di e cantidad di alumnonan cu ta gradua: ‘Het staaft voor hem dat hoe taliger de
examens hoe groter de taalproblematiek en des te minder de resultaten’ (Amigoe, 29 september 2015). Cu
e declaracion aki, parce cu e rector actual indirectamente ta absolve su mes caba di cualkier mal resultado.

Pues e preguntanan na e directiva di SMOA:

$11. Dicon no a warda cu e firmamento di e contract di e rector actual te ora cu tabatin e ‘dekking’
financiero?