Page 67 - MIN ON NOV 4, 2015

Djarason 4 Novèmber 2015 43

Kontinuashon pagina 10
SITEK TA...

Nunka Nihaila no a
duda pa saka for di su mes
pòtmòni pa yuda. Nihaila
nunka no a imitá niun
hende. “E tabata original
den tur su kosnan. Su
opinionnan semper tabata
bon motivá na un manera
hopi konvinsente. Nihaila
ta un ehèmpel pa nos
hóbennan pasó semper el a
gusta lesa buki. Niun buki
no tabata demasiado diki
pe lesa anto kòrdando tur
detaye”, segun sr. Plantijn.

Finalmente el a bisa ku
e ta spera ku su dos yunan
lo sigui bringa inhustisia
riba e pida baranka. Komo
direktiva di SITEK nos
ta deseá su rumannan,
su famia i koleganan ku
semper tabata rondó di dje,
hopi forsa. Mi ta spera ku
nan lo sigui Nihaila su lucha
kontra inhustisia sosial den
enseñansa i den komunidat
di Kòrsou”, asina sr. Plantijn
a bisa.

Kontinuashon di pagina 40
MINISTER NI GOBIERNU...

pa nan formashon i hasta
a yega te nan final di nan
formashon, keda perhudiká.
Tabata minister su deber di
hasi tur loke ta posibel pa
e skol keda habri pa duna e
studiantenan ku tabata na
final di nan estudio kaba
nan estudio i risibí nan
diploma.

Awor ku e skol a bati
bankarota tòg, minister
mester buska un solushon
pa e studiantenan ku a
yega tin final i terminá tur
kos i hasta tin sifra final,
haña nan diploma. Ta trata
di studiante ku a studia pa
enfermeria i pues mester
buska un solushon den
koperashon ku IFE.

Leeflang a manda puntra
minister Dick kiko ta bai
hasi pa garantisá ku e
studiantenan menshoná por
haña nan diploma i dikon
minister no a kumpli ku e
promesa ku el a hasi na e
studiantenan?

Tambe e ta puntra si e
minister ta dispuesto pa
buska un solushon huntu
ku IFE pa e studiantenan
ku falta solamente e último
parti pa nan kaba nan
estudio.

Studiante sin diploma
no por traha i no por paga
SSC, pues mester buska
solushon.