Page 5 - MIN VOS

A19
DEPORTE Diamars 20 Juni 2017
Aruba ta gana plata den International Rugby Tournament

ORANJESTAD - Aruba Rugby Team a gana medaya
di plata den e International Beach Rugby Tournament
na Corsou.

Esaki Comite Olimpico Arubano ta informa. Nan ta bisa cu
e club di rugby ta existi solamente 9 luna. “Si esaki nos por
haci caba den solamente 9 luna di existencia, imagina unda
nos lo ta 6 luna despues di aki nan y 6 luna despues di esey.
The sky really is the limit!”, e fundado y alabes president di e
club, Firozh Moeharram ta bisa. “No solamente nos a yega pa
competi na nos prome torneo internacional na Corsou, pero
nos a haci historia door di logra gana nos prome wega hunga.”

E trainer di e ekipo di Aruba, Gijs van der Pol tabata masha
satisfecho cu e prestacion di su atletanan, segun e comite. Se-
gun sr. Van der Pol, bo por a mira e progreso segun e torneo
ta transcuri. Cada wega hunga e ekipo tabata siña di esaki y
tabata hiba e bon consehonan pa e wega siguiente.
E ekipo di Aruba ta entrenando pa hunga e Sevens tourna-
ment na Republica Dominicana den luna di october y ta cla pa
expande nan experiencia internacional den e deporte di rugby.
Nan ta entrena riba diadomingo (7.30 pm) y diamars (8 pm)
na Palm Beach, patras di Moomba. E entrenamento ta habri
pa tur hende di tur edad, sexo y nivel di experencia pa join,
segun e club.

Resultadonan 3e Amsterdam Manor

Walk & Run

ORANJESTAD – Diadomingo a tuma luga e di tres
Amsterdam Manor Walk & Run. E fondonan ta bay pa
Cruz Cora. E resultadonan principal di e careda aki ta
lo siguiente:
10 km Run Male
1. Jesus Galea den un tempo di 36:29 minuut
2. Zhyon Geerman den un tempo di 37:27 minuut
3. Alrric Kock den un tempo di 39:24 minuut
10 km Run Female
1. Kimberly Greaux den un tempo di 46:07 minuut
2. Mileydys Verdecia den un tempo di 46:49 minuut
3. Amaya Gasull den un tempo di 46:51 minuut
5 km Walk & Run Male
1. Joshwa Jansen den un tempo di 17:52 minuut
2. Daniel Leo Jr. den un tempo di 19:07 minuut
3. Jordan Wernet den un tempo di 19:11 minuut
5 km Walk& Run Female
1. Zurienne Dabian den un tempo di 21:45 minuut
2. Sandra Murcia Camelo den un tempo di 22:31 minuut
3. Rachel Maduro den un tempo di 23:51 minuut

(potretnan cortesia 297 Sports)