Page 19 - AWE1506test_merged

Diaranson 15 di Juni 2022

COMUNIDAD
E importancia di un tata den e bida di su yiu

ualkier hende homber por bira tata, pero pa ta un tata
Cehemplar ta tuma bida largo. Tatanan ta hunga un rol
sumamente importante den e bida di cada yiu y cu no por
wordo yena door di cualkier otro hende. E rol di tata por
tin un impacto grandi riba e yiu y ta yuda forma nan den e
persona cu nan lo bira.

Tatanan ta pilarnan den e bienestar di e yiu su desaroyo
emocional. Yiunan ta depende riba nan tata pa duna nan un
sintimento di seguridad emocional y fisico. Muchanan kier
haci nan tata orguyoso. Un tata cu ta involvi den e bida di
nan yiu(nan) ta promove crecemento y forsa interior. Segun
estudionan haci, ora un tata ta mustra cariño y ta apoya su
yiunan, e desaroyo cognitivo y social di su yiu(nan) ta wordo
positivamente afecta y e bienestar y confiansa den nan mes ta
aumenta.

Tatanan no solamente tin infuencia riba ken nos ta paden,
pero tambe riba e tipo di relacionan cu nos ta crea ora nos ta
crece. E manera cu un tata ta trata su yiu lo influencia kico e
yiu ta busca den un otro persona. Amistadnan, amantenan,
parehanan y casanan cu bo yiu(nan) scohe por wordo
influencia riba e tipo di relacion cu nan tin cu nan tata.

Pesey pa ta un tata ehemplar, ta importante pa semper
demostra calidadnan positivo cu bo yiunan por sigui como un
ehempel. Abo ta bo yiu su heroe, no lubida esaki nunca! Bo ta
hopi importante den e bida di boso yiunan!
Fundacion Pa Nos Muchanan ta desea cu diadomingo awor
tur tata y nan famia pasa un feliz

Dia di Tata.
Fuente:https://www.pediatricsoffranklin.com/
resources-and-education/pediatric-care/the-
importance-of-a-father-in-a-childs-life/

Pa informacion of pregunta por acerca Fundacion
Pa Nos Muchanan - Cumana 2

Tel: 5834247/5880856 – Whatsapp: 6998900

E-mail: info@fpnm.aw - Website: www.fpnm.aw

19