Page 18 - MIN ARENDS

POSTED ON MAY 11, 2017, 9:47 PM 3 MINS
POST VIEWS: 28
ORANJESTAD, Aruba

Minister di Economia Richard Arends a amplia un poco mas riba e evento ‘Hackathon’ cu ta wordo
organisa door di su Ministerio, Bureau Innovatie, KvK y VNO (representacion di Hulanda) cu ta
tuma lugar dianan 12 y 13 di mei na Kruisweg, e ‘innovation street’ den centro di ciudad cu e meta
pa diversifica e actividadnan den caya grandi.

Arends ta bisa cu e interes ta grandi. “Mi tin entendi cu ya 8 grupo a inscribi pa participa cu ta un
indicacion cu e entusiasmo ta hopi grandi. E gruponan ta consisti di entre 3 pa 5 persona. Cerca mi
mes tambe e entusiasmo ta grandi. Mi kier tende cual ta e ideanan inovativo haciendo uzo di
tecnologia cu e gruponan ta bin cu nan. Diahuebs (awenochi) tin un anochi di informacion pa esnan
cu a inscribi y otronan cu kier inscribi, ya cu na KvK e posibilidad ey tey ainda. ”

Hackathon ta cuminsa diabierna mainta y ta caba diasabra 5’or di atardi. Un hurado ta evalua tur e
presentacionnan y ta saca e ganador di e Hackathon. E premionan ta entre otro participacion na e
conferencia eMerge na Miami, un espacio di oficina na The Vault y registracion na Oficina di
Propiedad Intelectual. Minister Arends: “Nos ta hopi contento cu e acogida y entusiasmo pa participa
den e Hackathon. E ganador ta wordo presenta na comunidad y ta cuminsa tambe na pone en efecto e
ideanan cu a bin dilanti cu hopi bes ta conceptual, aunke tin ideanan tambe cu ta mas concreto. Hunto
cu Bureau Innovatie nos ta bay en busca di partners pa comercialisa e ideanan treci dilanti y haci nan
factibel pa e comerciantenan di caya grandi.”

Minister Arends a bisa cu tur hende ta invita pa participa. Esnan cu ta custumbra na participa na un
Hackathon ta hendenan cu mayoria bes ta pafo di e sistema. Nan lo mester ‘hack’ of ‘disrupt’ e
sistema existente. “Nos ta haci un invitacion tambe na comerciantenan di caya grandi pa participa ya
cu gran parti di nan tin hopi experiencia den caya grandi. Nan conoce nan clientela y sa nan
deseonan. Aunke cu cada grupo tin un input economico y financiero, un input comercial semper ta
bonbini