Page 21 - KPA
P. 21
ORANJESTAD.- Diahuebs atardi 6’or pasa informacion a drenta cu Pasadia Briyo
di Solo lo ta na candela.
Esnan cu a bati alarma a pensa cu kizas tabata un mondi na candela. Na
yegada, esnan cu a bati alarma, ta constata localnan na candela.
Mesora varios unidad di Cuerpo di Bombero a sali p’e scol, caminda cu na
yegada ta bin haya tres local na candela.
E candela mes a concentra den e localnan, kimando tur cos paden. Informacion
no oficial ta papia di un posibel kortsluiting y cu esaki a pega e plafond traha di
schrootjes.
Brandweer a keda basta rato n’e sitio y a pidi presencia di BFTO (Departamento
Tecnico di Polis).
N’e momento ey mirando cu e localnan ta cayente ainda y tambe a bira scur a
laga e parti di investigacion p’ayera den dia.
1 of 2
