Page 32 - MIN VOS 24 FEB 2016

Pa bienestar di e alumnonan y docentenan:
Departamento di Salud Publico a conseha pa cera
EPB Santa Cruz

on: February 23, 2016In: LocalNo Comments
Print Email

Departamento di Salud Publico mester a tuma e medida pa cera EPB na Santa Cruz pa motibo di un
situacion ahigienico cu a presenta su mes. GKMB di Departamento di Salud Publico a wordo
informa tres siman atras cu EPB Santa Cruz tin molester di hopi sangura. Tabata tin sospecho cu
sangura tabata sali for di e beerput habri. E pos a keda trata cu kimico pa medio di GKMB. Siman
pasa Seccion di Higiena di Departamento di Salud Publico a wordo informa cu dek di e pos di EPB
Santa Cruz a cay den otro ocasionando cu e pos no ta funciona cu consecuencia cu alumno y
docentenan no por haci uzo di WC. Tambe a keda indica cu holor desagradabel ta reina na scol y e
pos habri ta crea peliger pa tur presente na scol. Seccion di Higiena mesora a acudi na EPB Santa
Cruz y por a tuma nota di e situacion reinante. Riba peticion di Seccion di Higiena GKMB a haci otro
inspeccion di e pos y a trata esaki cu kimico contra sangura y a fumiga tambe den e klasnan.
Conhuntamente cu e Director di scol y Seccion di Higiena a palabra cu pa dialuna lo tin WC portable
na scol pa tur alumno por sigui scol normal. Lamentablemente pa dialuna a constata cu e scol no tin
WC portable ni pa alumno ni docente, den e klasnan cu poco ventilacion e holor di fumigacion a
keda den e klasnan y ta insoportabel. E situacion ta keda uno no higienico. Seccion di Higiena a
nota cu no tin awa portabel disponibel. Mirando e situacion aki Seccion di Higiena di Departamento
di Salud Publico conhuntamente cu Minister di Salubridad Publico a conseha pa laga cera e scol
inmediatamente y pa busca un solucion mas lihe posibel pa asina alumnonan por sigui cu nan
lesnan y maestronan por sigui eherce nan labor den un ambiente saludabel. Pa mas informacion por
tuma contacto cu Departamento di Salud Publico na number di telefon 5224200.

http://masnoticia.com/pa-bienestar-di-e-alumnonan-y-docentenan-departamento-di-salud-publico-a-
conseha-pa-cera-epb-santa-cruz/