Page 21 - bon-dia-aruba-20220504

A21
reino Diaranson 4 Mei 2022

Delegacion di Parlamento Hulandes ta bishita Saba

Un delegacion di dies miembro di Eerste y Tweede Kamer di Parla-
mento Hulandes a bishita Saba riba dialuna 2 di mei. Ademas di e en-
cuentro formal cu Conseho Ehecutivo y Conseho di Isla, e programa
a inclui un sesion di presentacion riba topiconan manera pobresa, sa-
lubridad publico, turismo y desaroyo economico, como tambe varios
bishita na diferente sitio.

E delegacion a yega for di un charter Winair for di Sint Maarten mainta, y a
wordo ricibi pa Gobernador di Isla, Jonathan Johnson; Secretario di Isla, Tim
Muller; y Consehero di Gobierno, Gerald Simmons-de Jong.

Miembronan di management team di Compania Electrico Saba (SEC), Dex-
ter Johnson, Mark Zagers y David Leonce a reuni cu e delegacion net despues
di nan yegada pa duna informacion riba e inversionnan den energia renobabel,
e Strategia di Energia Saba 2020-2030, y e ambicion pa 100 porciento energia
sostenible, y e retonan manera e aumento skerpi den costo pa importa fuel pa
generator.

Retonan continuo
Na e Centro Eugenius Johnson a tuma lugar un reunion cu Conseho Ehecu-
tivo unda Comisionadonan Bruce Zagers y Rolando Wilson a papia tocante e
retonan continuo cu Saba ta enfrenta, por ehemplo, e referencia problematico
di pashent den exterior, e costo halto di biba y haci negoshi, posicion finan-
ciero dificil di gobierno, y falta di conectividad.

Asuntonan urgente
Den e reunion con Conseho di Isla, miembronan a trece dilanti asuntonan
urgente cu ta riba mesa pa añas, manera falta di servicio notarial y servicionan
bancario pober cu tin efectonan adverso riba Saba, su poblacion y su desaroyo.
“Esakinan ta necesidadnan basico di pueblo cu no ta curbi”, miembro di Con-
seho di Isla, Carl Buncamper a bisa.

Consejal Vito Charles a destaca cu despues di hopi carta na Den Haag, e asun-
tonan aki ainda no ta resolvi. Ta hopi dificil y caro pa residentenan mester bay
Sint Maarten pa servicionan bancario y notarial, segun consejal Eviton Heliger
a splica.
Councilman Vito Charles pointed out that after many letters to The Hague,
these matters were still not solved. It is very cumbersome and expensive for
residents to have to go to St. Maarten for banking and notary services, Coun-
cilman Eviton Heyliger explained. “The gap between the banking system in
the Netherlands and Saba is gigantic,” said Councilman Hemmie van Xanten.

Discurso poderso
Miembro di Conseho, Esmeralda Johnson a duna un discurso poderoso to-
cante ‘paga e prijs pa biba den paraiso’, e falta di atencion di Den Haag, e espa-
cio pa opinionnan mas radicalisa pa motibo cu problemanan structural grandi
ainda no ta resolvi, y e necesidad pa Parlamento ‘realmente ta e cambio cu mi
comunidad riba Saba mester y merece’.

“Danki pa ricibi nos. Nos a nota for di momento cu nos a yega cu Saba ta
realmente special. Ta trata di scucha y splica, y ta p’esey nos t’aki, pa scucha y
participa den combersacionnan”, segun lider di delegacion Hulandes, Marielle
Paul. “Nos ta aprecia y balora bo input y con bo ta maneha e cantidad di reto.”
Presentacionnan inspirador
Den presencia di Conseho Ehecutivo y Conseho di Isla, un grupo di ambte-
naar hoben y dedica a duna presentacionnan inspirador pa duna e delegacion
Hulandes un background di informacion tocante alivio di pobresa, salubridad
publico, e proyecto nobo di waf, turismo, desaroyo economico, edificionna
di scol, cuido di mucha, y cultura. E presentacionnan a ser duna pa Gideon
Wilson, Jane O’Flynn, Tedisha Gordon, Nicole Johnson, Malinda Hassell,
Courtney Hassell, Evita Pronk, Rosa Johnson y Elsa Peterson. Lider di e del-
egacion Paul a gradici e ‘team hoben energetico’ pa nan presentacionnan.

Bishitanan
Siguiente den e programa tabata un encuentro cu comunidad, sigui pa tres
bishita: e ubicacion di e waf nobo na Black Rocks cu Nicole Johnson y Bruce
Zagers; e Marine Lab di Saba Conservation Foundation (SCF) unda director
di SCF, Kai Wulf y investigarod Alwin Hylkema a duna informacion; y e hy-
droponics farm unda Jim Garza di Gezondheid Farms y consehero di politica
Justin Simmons-de Jong a papia tocante e proyecto agricultural aki. E delega-
cion a bay pa Sint Eustatius durante atardi.
E delegacion Hulandes a consisti di miembronan di Tweede Kamer, Mariëlle
Paul (lider di delegacion), Roelien Kamminga (VVD), Jorien Wuite (D66),
Joba van den Berg (CDA), Don Ceder (CU) y Liane den Haan (Group Den
Haan); y Senadornan Boris Dittrich (D66), Joop Atsma (CDA), Peter Ester
(CU) y Toine Beukering (Group Nanninga).