Page 48 - HOSPITAAL 12 JUNE 2017
P. 48
Trabounan di renobacion di e edificio actual di HOH a
cuminsa
Sunday, 11 June 2017 11:15
Comparti
Actualmente manera ya tur hende por a nota Hospital ta trahando duro riba construccion di un miho futuro.
Entrante dialuna awo dia 12 di juni tambe lo bay cuminsa cu trabounan di renobacion di e edificio actual. Esaki ta
tuma luga na prome instante den e lobby na e entrada principal di Hospital.
Ya caba a cera e sala di conferencia unda cu temporalmente e botica lo bay ubica pa asina nan por renoba dicho
departamento. Esaki tambe ta nifica cu tin mester cera parti di e cafetaria unda por sinta come. E bishitante por
busca cuminda manera normal y tin un area traha parti pafo cu por sinta come.
Tambe lo traha un localidad temporario pa e departamento di Opname net otro banda unda aworaki tin algun rij di
stoel unda por sinta warda. Asina tambe nan por renoba eyden. Den futuro cercano e kassier lo muda na final di e
gang di lobby y p’esey lo ‘baken af’ parti di e oficina eybanda.
Esaki ta nifica cu tin menos espacio den e lobby y e trabounan aki lo por bay tin un impacto riba e pashent y
bishitante cu tin cu bay na e departamento di Radiologia/MRI of LAB HOH of pa bishita un ser keri cu ta interna
den Hospital. Lo por tin molester di zonido door di boramento y no por evita cu por stroba e pasada liber di pashent
y di bishitantenan pues pa cu esaki nos ta pidi nos disculpa pa cualkier inconveniencia na momento di mester bay na
cierto departamentonan di nos Hospital.
Hospital ta un luga dinamico, pues constantemente tin cos cu por pasa den cuadro di emergencia y esey tambe ta
pone cu por tin cierto inconveniencia. Por ehempel hendenan den rolstoel of riba cama. Claro cu den casonan asina
mester laga nan pasa y sigur lo tene bon cuenta cu esaki. Ademas, ta cumpli cu e rekisitonan di ICRA (Infection
Control Risk Assesment) ora di construi y/of renoba. Esaki kiermen cu semper ta percura pa tin control riba cierto
factornan manera higiena y siguridad.
Aunke cu e ta un poco fastioso, tur esaki ta pa un miho futuro y un edificio renoba cu ta brinda mas siguridad y
privacidad pa e pashent.
Di parti di Directiva di Hospital, staf y personal y alabes e team di construccion ta pidi disculpa pa e inconveniencia
aki.
