Page 6 - AWEMAINTA 90715
P. 6
6 AWEMainta Diahuebs, 9 Juli 2015
Cuerpo di Bombero a activa alarma grandi pa avioneta cu problema di motor
Danki Dios e avioneta a aterisa sin problema
TABATA ALREDEDOR di 11:30 ayera mainta cu
Toren di Control di Aeropuerto a bati alarma na Centro
di Alarma di Cuerpo di Bombero pa un avioneta Cessna
modelo Cessna 206 di un motor cu un piloto y un
pasahero abordo.
E avion a caba di lanta for di Aruba y tabata rumbo
pa Jamaica cu 5 ora di combustibel abordo. E piloto a
informa Toren di Control cu el a haya problema cu su
motor y a opta pa bolbe Aruba.
Mesora Cuerpo di Bombero a activa y a saca un unidad
di su Kazerne na Tanki Flip cu 6 Bombero den dje p’asina
re-enforsa e ekipo di 9 Bombero trahando n’e Kazerne di
Aeropuerto. Di acuerdo cu e protocol ora di un alarma
asina, a laga sera aeropuerto pa tur trafico aereo y a sera
tur caminda cu ta pasa dilanti of yega Aeropuerto, cu a
ser haci pa Cuerpo Policial.
Un rato despues e avioneta a baha sin ningun problema.
E “Officier van Dienst” di Cuerpo di Bombero a bay n’e
avioneta pa asisti e tecniconan specialisa n’e aeropuerto
priva, conoci como General Aviation, cu a cuminsa cu
un investigacion riba kico por a sosode cu a conduci cu
e motor tabata trahando cu fayo.
Na momento cu a confirma cu e avioneta tabata na tera
y no tabata forma ningun peliger mas ni pa aviacion, ni
p’e pasaheronan cu tabata abordo, a cancela e alarma.
E personal di Cuerpo di Bombero di Aruba, specialmente
esnan staciona n’e Kazerne di Aeropuerto, ta specialisa
den combati candela y efectua rescate riba tur tipo di
avion cu ta baha na Aruba.
Avenida Milo J.Croes # 118 – A
tel: 5883948, fax: 5883945,
Dilanti Flora Market na Dakota,
Horario: 8.30AM-5.30PM (nonstop)
email: doorhandle @ setarnet.aw
PANIC PUSHBARS – DOORCLOSERS
SECURITYSTRIPS - SWINGHINGES
SECURITYLOCKS - DOVESPIKES
SPANTAPALOMBA, Y MUCHO MAS
