Page 6 - AHATA
P. 6
10 LOCAL AWEMainta Diabierna, 7 November 2025
Iberostar ta organisa “Shoco Ambassador
Training” p’e comunidad di Aruba
COMO parti di su compromiso continuo pa un modelo di turismo
responsabel y conservacion di biodiversidad, JOIA Aruba by
Iberostar, via Aula di Lama, cu ta parti di Iberostar Foundation, a
organisa exitosamente un training gratis riba e tema di Shoco en
colaboracion cu Aruba Bird Life Conservation pa e comunidad di
Aruba cu tawata den e siman di October 27 - 31, 2025.
E entrenamento gratis aki a invita miembronan di e comunidad
pa tuma parti den un experiencia atractivo y educativo dedica na
proteha y celebra e simbolo nacional di nos isla, e Shoco (Athene
cunicularia arubensis). E sesionnan a wordo dirigi pa conscien-
tisa tocante esfuersonan local di conservacion y pa promove un
coexistencia responsabel entre hende y naturalesa, cu un enfoke
riba proyectonan manera e Santuario di Shoco na Tierra del Sol
Resort & Golf by Iberostar y Shoco Boulevard na JOIA Aruba by
Iberostar.
Den total, 800 participantenan a participa den e Shoco
Ambassador Training, incluyendo mas cu 360 empleadonan di
JOIA Aruba by Iberostar y Tierra del Sol Golf Course by Iberostar.
E logro aki ta refleha e compromiso di Iberostar pa integra
sostenibilidad den su operacionnan diario y cultura di compania.
Pa e sesionnan publico, partnernan y empleadonan di otro
hotelnan, incluyendo Boardwalk Boutique Hotel y Aruba Marriott
Resort, como tambe studiantenan di Universidad di Aruba, a
wordo invita pa participa. Ademas, partnernan di media local a
atende e sesion di entrenamento pa siña mas tocante e inicia-
tiva di conservacion aki y pa yuda comparti su mensahe cu e
comunidad di Aruba. Pasonan cu lo sigui ta inclui extende e
entrenamento na Aruba Airport Authority (AAA) y scolnan local,
continuando e mision pa conscientisa y inspira cuido di medio
ambiente rond di e isla. Na final di cada sesion, participantenan
tabatin e oportunidad pa cumpra un pin di Shoco, unda e ganashi
a wordo duna na Aruba Birdlife Conservation. Cada pin tawata
traha na man, for di palo recicla, cu ta simbolisa e rol nobo como
“Shoco Ambassador”.
E iniciativa aki ta parti di e movemento global “Iberostar Wave
of Change”. Cu ta enfoca riba provee solucionnan transforma-
tivo den e campo di economia circular, promoviendo e consumo
di seafood di fuente responsabel, y mehora e salud di areanan
costal. Ademas di preocupacionnan ambiental, e movemento enfoca riba proteccion di ecosistemanan costal y economia
tambe ta abarca dimensionnan social y di sostenibilidad mas circular. Via educacion, conservacion y compromiso di comun-
amplio dentro di e destinacionnan. idad, Iberostar ta sigui lidera cu ehempel; inspirando tanto local
como bishitantenan pa uni den e preservacion di biodiversidad
Iberostar ta promove un modelo di turismo responsabel y ta unico di Aruba pa generacionnan venidero.
