Page 15 - AWEMAINTA

Dialuna, 25 Juni 2018 AWEMainta 15

Un maneho y vision nobo pa Warda di Polis San Nicolas

Warda di Polis San Nicolas ta mirando cambionan

grandi den organisacion

FOR di chikito sr. Gino Winklaar tabata cana
den Warda di Polis San Nicolas. Despues di
hopi aña laborando den Cuerpo Policial Aruba
sr. Winklaar a bira Hefe di districto di San
Nicolas.

Pa Gino Winklaar e ta un honor di por a tuma
un responsabilidad nobo pa maneha Warda
di Polis San Nicolas. E prome maneho ta pa
crea un bon ambiente den e warda. Despues
ta sigui pa re-organisa e warda y na ultimo ta
pa drecha e edificio haci’e mas optimal p’e
trahadornan cu ta haci uzo di e warda 24/7.

“Loke ta haci un trabou saludabel y positivo

t’e lugar na unda bo ta traha aden” sr.Gino
Winklaar a pone den su lista pa haci un cambio
den e warda.
Gino Winklaar a topa diferente articulo cu
no ta den uzo mas, edificio no ta den bon
mantencion, articulonan bieu y materialnan
bieu den e warda.

Su prioridad number 1 tabata pa haci un
limpiesa completo den e warda p’asina crea un
ambiente y imagen nobo pa Warda di Polis San
Nicolas tanto p’e personalnan y comunidad.
Personal di Surveillance Dienst San Nicolas,
Recherche districto 3, SBV, Polis di Bario San
Nicolas y werkman a bin hunto p’asina haci
e limpiesa necesario pa un aire nobo pa San

Nicolas.
For di 8:00 mainta te cu 4:00 di atardi a haci
limpiesa y a tira basta sushi afo. Un baki grandi
di Serlimar a yena completo pa tira tur cos afo.
Den un bon ambiente tur hende a uni pa haci
esaki posibel. Esaki tabata e prome fase tin mas
fase cu ta na caminda. Esaki tabata posibel dor
di comunica cu e agentenan policial.

E plannan aki tabata e mesun pensamento di e
agentenan cu ta desea di mira un cambio den
e warda.

“Tur hende riba pia a duna 200% di nan banda
pa haci e warda limpi y mi ta hopi contento y
satisfecho di nan parti” asina Gino Winklaar
a declara. Esaki ta haci inicio di un comienso

nobo pa Warda di Polis San Nicolas. Cu un
hefe di districto nobo e personal ta satisfecho
di mira cambionan necesario cu ta tumando
lugar.