Page 8 - LOTTO

Diahuebs 16 November 2017 Deporte
A20

Den campeonato Femenino Heineken di Aruba Softball

Bond

Jaguars Vitamin Water lo

enfrenta Tanki Leendert Girls

POS CHIKITO - Diabierna awor dia 17 di november Jaguars Vitamin Water lo en-
frenta Tanki Leendert Girls den 2 wega interesante. Esaki lo tuma luga riba veldnan
na Pos Chiquito cuminsando pa 7.15pm.

E prome wega ta un wega di 2 round cual wega a keda empata 5-5 den extra inning pues den
Tie Break. Lo continua cu e wega aki 5-5 den Tie Break caminda cu el a keda te ora tin un
ganado. Mesora despues di e wega aki e dos ekiponan aki lo hunga un wega nobo valido pa di
3 buelta. Weganan aki ta importante pa clasificacion pa final.

Tanki Leendert Girls ta bin di un derota di 6-5 siman pasa contra Aruba Bank Lady Tiger den
un tremendo wega y ta en busca di 2 victoria pa purba clasifica. Jaguars sinembargo kier gana
su wega pa garantisa su spot den final. Finalistanan number 1 y number 2 lo topa otro den un
best out of 5 pa despota pa campeon di Aruba.

E Campeonato Heineken di Aruba Softball Bond ta dedica na dos baluarte, Bertha Wolf Croes
y Eugenio ‘Tan’ Helder y ta drentando su recta final den categoria Femenino.

Resultado Best of the Best Taekwondo Challenge

ORANJESTAD - Recientemente a tuma luga e Best of
the Best Taekwondo Challenge, na unda e chikitinnan
a cuminsa mainta y e grandi nan anochi. En total di 6
atleta a sali best fighter. Esaki segun e relato cu nos a
haya.

E atletanan cu a sali best fighter ta; Jewel Illidge, Joshua
Klabér, Zyon Thielman, Angelo Rodriquez, Dudi Perez y
Chiara Petrocchi. E weganan a hala hopi atencion y e pueblo
presente por a mira pelea un tras di otro y nos bringadonan a
demostra un biaha mas Taekwondo di nivel.

Nos medayista di oro Chiara Petrocchi a duna pueblo kico
nan kier a mira y a mira Chiara den accion. Su prome pelea a
bay contra di Maria Alejandra Gañan di Colombia cu a haci
tur den su poder, pero Chiara a domina e pelea for di e prome
rond te na final y el a gana cu un score di 17-3.

Chaira su di dos pelea a bay contra di Marzoneth Carillo di
Colombia y e no a pensa dos biaha pa bombardia Carillo,
ganando e pelea 19-3. Su tercer pelea a bay contra di Barabara
Asenjo di Chile. Asenjo a trata di para Chiara, pero e tabata na
vlam y a kima Asenjo y no tabata sa ta kico tabata dal’e asina,
pio for di un hubenil cu a gana su pelea cu un score di 22-9.