Page 4 - AVB
P. 4
ORANJESTAD(AAN)– Dialuna 18 di juni 2018 a tuma lugar den CDGT na Dakota e wega
entre e dos equipo nan cu ta comanda e tabla di posicion den e playoff Division Mayor.
Ambos equipo den nan prome wega ta sa di gana, Nacional a gana di RCA 3-1, y La
Fama a gana Britannia 4-1.
Nacional ta habri marcador na di 9 min di wega caminda cu e hoben #7 Javier Jimenez
ta score pa bai ariba 1-0.
La Fama ta logra empata e wega na di 19 min di wega pa medio di e hoben #8 Jerwin
Mercera.
E prome tempo ta termina den un empate na un gol pa banda.
Den e di dos parti di wega na di 59 min Jaydan Colina # 12 riba un tiro directo ta logra
score pa La Fama bai ariba2-1.
Nacional riba un contra atake na di 60 min di wega ta logra empata caminda cu Javier
Jimenez #7 ta bolbe pone un gol na su nomber pa haci e wega 2-2.
Riba un otro tiro directo na fabor di La Fama e hoben # 7 Kendrick Kock ta manda un
tiro fuera di alcanse di e portero di Nacional pa asina La Fama bai ariba 3-2 y asina
tambe bai cas cu e victoria.
