Page 39 - AHATA

esaki lo ta den careda di 200 miyon florin cu lo haci e fondonan aki no sostenibel y
mester tuma decisionnan e añanan nos dilanti pa por mantene esakinan sano.

Pues esakinan ta algun di e retonan cu mester tene cuenta cune pa presupuesto 2020 y
2021, pero p’esey mes Gabinete Evelyn Wever-Croes a opta pa sondea opcionnan e.o. pa
crea otro pilarnan economico cu lo genera entrada pa pueblo, pasobra no ta husto cu e
pueblo aki tin di sigui contribui n’e mal gobernacion di Mike Eman di 2009 pa 2017.

Den esakinan a cuminsa e proceso pa crea e posibilidad e.o. pa haci Cannabis Medicinal
un pilar economico pa Aruba, diversifica nos turismo y alabes ta trahando duro pa haci
San Nicolas Ports Authority un realidad unda lo por concuri pa reduci prijs p’e pueblo y
creando cuponan di trabao y tambe e Fast Ferry ta parti di e proyecto aki.

Banda di esaki lo sigui stimula pa atrae mas barco crucero pa Aruba. Pues Gabinete
Evelyn Wever-Croes ta buscando un balans pa crea entrada y esaki ta necesario si bo tin
di paga proyectonan cu mester paga un suma fiho di 82.4 miyon pa aña cu lo caba na
2044 pa por percura cu esakinan ta ser cubri, pero tambe percura cu lo haya entrada di e
pilarnan economico nobo aki y crea cupo di trabao pa nos hendenan.

Resumiendo e retonan pa 2020 ta hopi grandi, pero nos tin sigur cu Gabinete Wever-
Croes liderisa dor di nos Prome Minister Evelyn Wever –Croes y nos Minister di Finanza
y Economía Xiomara Maduro lo percura pa nos cumpli cu e normanan di presupuesto
2020 y tambe trece alivio den pueblo den tur e situacion precario cu nos a encontra e país
aki ora a drenta gobernación na november 2017, Edgard Vrolijk a conclui.