Page 69 - KPA 27 OCT 2015

Ciudadano a sinti su mes insigur despues di

compras

on: October 26, 2015In: LocalNo Comments
Print Email

Riba medionan social, entre nan Facebook, nos ciudadanonan ta conta nan experiencianan ora
nan ta pasa den cierto situacionnan, alertando e otro conciudadanonan pa nan watch out con nan
ta anda ora nan bay haci compras nan so.
Esaki a pasa cu un persona, kende a comparti su preocupacion riba medionan social, cu ta bisa
como lo siguiente:
“FB friends, mi kier a pidi boso pa ta cana hopi pendiente. Lagami conta boso loke a pasa
AMI… Mi a bay Price Smart, canando eyden mi a tuma nota di un paar di homber ta cana eyden
cu na mi parecer no ta cumprando nada. Mi a scuchanan papia y nan ta Latino. Yegando cahera
mi ta wordo acerca pa un muhe Latina puntrando mi con e hamburger cumi tin ta smaak. Mi a
bise na unda e por haya e hamburger pero e no tabata manera interesa. No ta kico el a puntrami
sino con el a puntrami. Mi a sinti dibiaha cu e mas kier a parami cu puntrami. Ora ma yega na
caha mi ta wak e 4 hombernan para ey ta combersa y ta manera wak rond pero sin garoshi. Mi no
por describi e feeling pero algo a bisami e cos aki no ta klop. Mi a sintimi asina insigur cu mi a
pidi Price Smart su manager pa por fabor laga un hende compañami na mi auto. Mientras mi ta
warda un hende compañami, e hombernan aki y cana sali bay pafo sin cumpra nada. Pa mi
sorpresa mita sali pafo y topanan para pafo. Mensen, si mi ta paranoid pordonami, pero mi a sinti
cu e señora cu a parami ey ta un señal el a duna e hombernan ey. Mi a subi mi auto, subi acera y
subi caminda grandi sin pasa dilanti Price Smart.”