Page 15 - MIN ARENDS

AWEMainta Diahuebs, 17 Augustus 2017 5

Lider di POR, Otmar Oduber:

Poder di compra

di henter nos

comunidad mester

subi drasticamente

E reforma di e sistema di impuesto cu POR lo bin cu
ne den e proximo periodo di gobernacion, mester tin
como efecto palpabel, reforsa e poder di compra di e
consumidor, pa medio di adaptacion y modernisacion
di e areglo di canasta basico.

Banda di esey, lo intensifica control y introduci
sancionnan severo den caso di infraccion. Esaki di
acuerdo cu lider di POR, Otmar Oduber, cu den su
“Vision 17-21 Hunto Nos POR” pa e eleccion di dia
22 di september proximo, ta propone un reforma di
e sistema di impuesto di tal manera cu tur ciudadano
cu ta cumpli debidamente cu nan obligacionnan fiscal
lo bay dilanti. Esaki no ta un promesa bashi sino un
compromiso cu POR ta bay ehecuta.

Banda di loke ta reforsa e poder di compra di henter
nos comunidad, lo bin tambe cu campañanan in-
tensivo pa conscientisa e consumidor, a base di
publicacion mensual di lista di prijs di producto di
supermercadonan, pa asina e consumidor ta mas y
miho informa y su florin por haya mas rendimento.

Pa sostene e proceso aki lo reforsa Dienst Huur- &
Consumentenzaken (DHC) y adicionalmente lo
stimula creacion di un instancia independiente pa
sali na vanguardia di e consumidor, segun Oduber.

E reforma fiscal cu POR ta propone ta encera un
shift di e peso di impuesto di directo pa indirecto.
Consecuentemente e salario netto, esta e salario cu
abo como ciudadano segun bo payslip ta haya den bo
man despues di kita e parti di impuesto di salario y
primanan social, lo conoce un adelanto substancial.

Ademas, pa motibo di e shift menciona, e base di
impuesto di nos pais y pues entrada di gobierno
tambe lo aumenta. Adicionalmente, door cu e peso
di impuesto lo ta mas riba consumo, e ciudadano lo
tin mas control riba loke e ta contribui na caha di
gobierno.

Pues, patronchi di consumo di e ciudadano lo deter-
mina su contribucion.
“Aunke e reforma fiscal lo por tin un efecto inflacio-
nario na momento di su introduccion, e ciudadano
mediante su patronchi di consumo por mitiga y hasta
neutralisa e impacto aki pa su cartera”, Otmar Oduber
a termina bisando.