Page 5 - AM201205
P. 5
Diasabra, 5 December 2020 AWEMainta 5
Andre Paskel condena pa insulta miembro
di Parlamento di Aruba, Rocco Tjon
DIAHUEBS Corte den Prome Instancia
a condena un sospechoso, Andre Paskel
pa un castigo di 20 ora di servicio na co-
munidad pa insulta Parlamentario Roc-
co Tjon riba Facebook. E sospechoso An-
dre Paskel a yama Parlamentario Rocco
Tjon pa pedofiel durante livestream di
un conferencia di prensa riba Internet.
Siguientemente señor Rocco Tjon a haci
denuncia na Polis di daña su honor y bon
nomber.
Corte a motiva e sentencia di diahuebs.
Huez a bisa cu e palabranan cu a wordo
usa dor di Paskel durante e livestream
no por wordo interpreta na ningun otro
manera cu dirigi contra sr. Roco Tjon
y cu Rocco Tjon tabata den su rason di
pensa cu nan ta dirigi contra dje.
E derecho di libertad di expresion ta un
gran cos, pero e no ta sin limite. Den un
estado democratico manera Aruba ta
existi limitenan n’e derecho di libertad,
ancra den ley cu bista riba derechonan
di otro.
Yama un hende pa pedofiel ta surpasa
e limitenan aki. E ta un atake contra e
persona y contra su honor y bon nomber.
E palabra ey no mag di wordo usa y sr.
Rocco Tjon no tin mester di acepta esaki,
segun Ministerio Publico.
Di politiconan por spera mas habilidad
pa wanta golpi cu un ciudadano comun
y coriente, pero esey no kier men cu un
politico ta pafor di proteccion di ley. E
decision di Huez ta conforme exigencia
di Ministerio Publico.
